جملة مفيدة…
بقلم وحيد على الجمال
(جملة مفيدة)
مش بالعافيه راح اكتب اسمك
جوه قصيدة
واختار قافيه تناسب حالتك
واعمل منك بعد ما سبتك
جمله مفيدة
وارجع أحاسبك باللي انا شيتله
كتير على كتفي
حلمك كله باللي انا شوفته
جوه مدينتك كان تغفيله
مش راح اكرر تاني الخيبة
وادخل جوه اماني عجيبة
مش على كيفك ولا على كيفي
مش بالعافيه هكونلك مركب
علشان تعبر وانت مغمض
جوه حروفي
المسألة ببساطة اشرحلك
انت بذاتك خليت قلبك
لما قابلتك يهزم خوفي
افرض مثلا
وده هيكونلك امر مجازي
اني وافقتك أو صدقتك
هتْرَجَّعلي سنيني في حبك؟
وتعوضني ع اللي جرالي؟
متهيألي هتبقى اجابتك
شيء اعجازي
أن الفرض اساسا بينا
أمر مجازي
التعليقات مغلقة.