جنب قبر الرسول بقلم بنت مصر سولافا بسيوني.
وأنا جنب
قبر الرسول
ما نطقتش
حرف بلساني.
غمضت بس
عيوني حسيت
بروحه شيفاني.
راح خوفي
واطمنت كأني
لاقيته ولقاني.
ودموعي هربت
مني ونبض
قلبي بيعاني.
ركنت بحملي
على بابه
ما أنا جايه لحد
أعتابه والتنهيدة
وجعاني وبعاني.
صليت في الروضة.
كام ركعة وقولت
بحق دي الدمعة.
وكل آذان ليه
أنا سامعة.
ورددته حرف
بحرف إقبل
مني صلاتي
وإحسبهالي بألف.
أنا جيت أزور
نبينا نورنا
ونور المدينة
من كتر ما حبينا
يشفع لنا ويهدينا
وننول شربه
م الكف.
قلبي ساعتها يخف.
ويقول وأنا جنب قبره
راح الألم مشاوير
والفرح جاي يتزف.
التعليقات مغلقة.