جندى مجند محمد حسنين القوصى
منصور عبد المقصود
ليك يومين غايب يا واد
هى عادتك
والا يعنى هتشتريها
ع الغياب متعودين
ليل بطوله فاتحة بابى
والباب بيسأل هو فين ؟
قول مشاغل
قول عيالك
اى شيء ييجى ف خيالك
بس لما سألت خالك
قالى هيغيب جمعتين
قلت فين ؟
قالى طالع مأمورية
لجل يقضى
عل العيال الفاجرة دية
وهو جاى هيجيب هدية
عقد فضة وسبحتين
قلت مش محتاجة زينة
قالى خيتى ليه حزينة
محنا جنبك واحنا اهلك
واحنا لو فى يوم تشاورى
عمرنا ممقصرين
هما مش حاسين بقلبى
الضنى بلسم جروحى
لما بيغيب عنى ليلة
تعبر الاوقات طويلة
بس اشوفه ترد روحى
كل خوفى يروح بطوله
يجينى رايه
جتته ملفوفة فيها
والقى طوب الارض واقف
لجل ما يقبل عزاه
وفى النهاية القانى وحدى
حد كاره للحياة
وبعد شهر يكرمونى
قال ويدونى الوسام
هو دم الوِاد بكام /
بق عشق وبق ميه /
ردي عني يابهية
التعليقات مغلقة.