حاجَة حِلّْوَة بقلم حبيبة سلام

حاجَة حِلّْوَة بقلم حبيبة سلام

لِسَّه مشاعري بِتخونِّي

وبضْعَف ساعات
كُلّ اَمَّا افَكَّرْ في اللِّي فات…
بلقاني مُشْتاقَة لْزَمانْ وِناس زَمانْ
وارْجَعْ أَعيش الذِّكْرَياتْ
واحِبّ جِدّاً فِعْل (كانْ)…
وساعات أقول خلاص نِسيت
واحاوِل ابْدَأ مِنْ جِديد…..
لكِن أوام الذِّكْرَيات تِّغْلِبْني وِالْ أَشْواق تِزِيد
وَالْقاني مِنْ تاني بَحِنّ وَارُوح بِعيييد……
وِالذِّكْرَيات تَّاخُدْني مِنْ إِيدِي نِسَلِّم عَالأماكن

واللِّي ساكِن…
وِساعات تَّمَشِّيني فْ شوارِع وفْ دُرُوب…
واَشوف بِعيني عَالْبيبان مَكْتوب أَسامي، 
و عَالْحِيطان مَرْسُوم قُلوب…
عَالْبال بيُخْطُرْ ناس كِتييرْ….
ناسْ خَطَفْهَا الْ موت وهُمَّ يادوب عِيالْ
وِناسْ بَعَدْها الْ بُعْد عَنَّا، 
وناسْ باعِتْنا، 
و ناسْ خانِتْنا،
و ناسْ فاتِتْنا غَصْب عَنَّا،
و ناسْ خَدِتْها الْ غُرْبَة مِنَّا
سْنين طوااال…..
أَتْخَطَفْ مِن نَّفْسي حَبَّة
وامَّا اَشوف اِنِّي بَتوهْ
مِنْ نَّفْسي ألْحَقْ
نَفْسِي وَارْجَعْ حَبَّة حَبَّة
ألْقىٰ لِسَّه الدُّنْيا فيها
كتير أَحِبَّة،
وأَحْلَىٰ صُحْبَة، 
ولِسَّه بين النَّاس مَحَبَّة.
لسَّه بعد دا كُلّه فيها
حاجَة حِلّْوَة…..