حاجة من ريحتك.بقلم.منال عبدالهادى شاهين
وبدور في حاجتك على تذكار
طرحة ؛ محفظة أوحتى شال ..
أهي حاجة تبقى من ريحتك
دا فراقك سابليي ألف سؤال
…
وبهرب من دنيتي للخيال
افتكر اي كلام بينا اتقال..
…
ومهما أدعي ولا اقول اذكار
ألاقي القلب من الوجع شال…
…
وإن خدتني ذكريات وأفكار
أتاري الحِمل تِقل والكتف مال
…
استحالة ليوم فراقك أنسى
ولا على اللي من ريحتك أأسى
…
كنتي الهوا والسند والمراجع
وانت اللي شلتي كل المواجع
…
كل حاجة بالمكان فيها ريحتك
ونفسك اللي خرج ومعتش راجع
…
انا نفسي حاجة من ريحتك
بس انت الأصل وانا التذكار
…
منال عبدالهادي شاهين
التعليقات مغلقة.