حالة هَوس
قلم/ زين ممدوح
فى ظل هذه الظروف العصيبة،والأجواء الكئيبة
قرر أن يلقى بكل هذه الأخبار والأحوال السيئة وراء ظهره.
ويتزوج!،بعد خطوبه استمرت لعشر سنوات ،ومع اعتراض الأهل على الزواج فى هذا التوقيت الغير مناسب،فلا يوجد شيء مفتوح إلا وأغلق أبوابه وبدت الحياة كسجن كبير !
فكيف سيجد صالة أفراح واستديوهات التصوير مغلقة تماماً،بل وأين هو ذلك المأذون الذى يرضى بعقد قرانه فى هذه الظروف المحيطة والتحديات الراهنة !.
وبعدين يا عمى بقالنا يومين بندور على مأذون
الصبر طيب،ان شاء الله هتفرح
بص فوق كده ياعمى
يافطه هناك مكتوب عليها مأذون ما بعد الحظر
بينا نطلع له
فى اليوم التالى توجه المأذون إلى المنزل.
وكان الأب فى استقباله بالماء والصابون كى يطهر يديه،حتى لا يصاب أحد بالعدوى!
قال المأذون بصوت رخيم
أين العريس
موجود يا مولانا
التفت عن يمينه حيث حيث والد العروس قائلا له
ضع يدك فى يده وردد معى
عقمت لك ابنتى
-جرى إيه يا سيدنا الشيخ ،انت مأذون ولا فاتح محل منظفات
هى الأيام دى كده ،انت اللى باين عليك مش عايش فى البلد
الديتول دلوقتي أهم من الأكل والشرب
يالا متعطلنيش قول ورايا
عقمت لك ابنتى
-عقمت لك ابنتى
المعقمة الرشيدة بالكحول والليمون
-المعقمة الرشيدة بالديتول والليمون
وعلى الكمامة المسمى بيننا !
قول يا عريس
قبلت تعقيم اب…
ياابنى قوم بقى كفاية نوم، الحظر خلاص على الأبواب
مش هتروح للمأذون
مفيش جواز يا أمى
ليه كفى الله الشر
لما نخلص من الهوس ….!
التعليقات مغلقة.