حاولت انساكي شعر غنائي كلمات : أشرف يوسف
حاولت انساگي مش قادر
ياريتِك ترحمي ضَعْفِي
غِرِقْت فى بحر أحزاني
وقادت ناري في عواطفي
وصورتك لسه في عنيا
وصوتِك همسه في وداني
و أول مره گلمتك
وگنتي ساعتها سمعاني
و فاگر گل شئ بِيِنَّا
مشاعري و گل وجداني
نسيتي قوام؟ بلاش لأه
ياريتك تِرْجَعِي تاني
ولو يا حبيبتي مش حَاسَّة
بضعفي مين ه‍يرحمني؟
و مين غِيْرِك أگلمها
و هِ‍يَّا گمان تگلمني؟
قفلت الباب و مش فَاتْحُه
لِغِيْرِك مه‍ما يجرالي
ولو مگتوبلي اعيش بَعْدِك
مفيش غِيْرِك شاغل بالي وِوَعْد عَلَيَّا طول عمري
ما اشوف غِيْرِك ولا واحده
و تبقي دموعي وجراحي
معايا صحابي في الوحده
خلاص بَعْدِك ماليش أحباب
خلاص بعدك ماليش أصحاب
خلاص من بعد ما قَفَلْتي
بيبانِكْ مش ح اقف علي باب
الثلاثاء بتاريخ ٢٠٢١/١٢/١٤م
من ديوان : دموع و ألم
التعليقات مغلقة.