حبك تابوت … شعر وحيد علي الجمال
حبك تابوت مابينتهيش
رافض يعيش بعدك سجين
ولا الف موت ينفع دليل
إن الرحيل أول طريق
أخر طريق المجروحين
ماترخصيش قلبك
في سوق العاشقين
و لا تِرخصي
خلي اللي بنا
على طبيعته بيستحي
ينقص يزيد أو يختفي
تشكي فصوله وتجرحي
عمر الندم ماهيتصدم
بدموع عينيكي يختشي
متخلهوش بينا غريب
مليان دموع
على قد صدقه نرجسي
لا عمرنا كنا ملايكة
لبست في يوم توب البشر
لسه الذنوب اللي مابينا
سهل جدا تغتفر
فن السكوت لازم يفوت
يعمل سدود
و تعدي بيه بحر الغضب
ماتخلنيش أسبح بدمي
على الرصيف
و أاكسر شراعي و مركبي
ماتشرقيش بين الضلوع
و تغربي
مهما حاولتي هتخسري
على ألف مدنه تأذني
راح ترجعي تتندمي
مش حرب داخلنها سوى
مين فينا بس يكون سعيد
جوه انتصاره منتشي
والتاني ماسك في الهزيمة
بينكوي
عماله تتصعب علينا
كل الفصول متوغوشه
مش عارفه تهرب م الشتا
روحي في حضني بترتجف
طبعك وطبعي مختلف
محتاج خاطرنا ينجبر
و يطير هناك فوق القمر
ما تبخليش تخديني
في عيونك أسير
لو شوفتي قلبي
عن هواكي بينحرف
خايف يعشش بالملل
موت الحياة
دايما بيطلع في العلل
من غير تابوت
ضمي اللي نايم في الكفن
انا حبي ساعة أما اتولد
كان أصله باين ابن موت
التعليقات مغلقة.