حبك لعبة …مها الخواجه
رايح فين وفايتني لوحدي
هو ده كان وعدنا م الأول
ليه أنا دايما بوفي بوعدي
وكلامك على طول بتحول
ليه توعد لو مانتاش صادق
وتداري بالكدب طباعك
وأنا دايما لكلامك أوافق
صدقت وعودك وخداعك
عشمتني بالجنة ف حبك
مجنيتشِ غير نار أوجاعك
قلبي اللي اتمنى ف يوم قربك
مش رح يندم يوم لوداعك
كان لازم أصدق م الأول
لما قالولي قلبه هيغدر
مش صادق ولا حُبه مطول
هيبيعك أول ما هيقدر
كدبت كلامهم وسمعتك
صدقتك وبكل حواسي
وعملت ضلوعي مملكتك
ملكتك قلبي وإحساسي
حبك كان لعبة بتلعبها
وأنا قلبي اللي صبح مغدور
صدقني الدنيا بتقلبها
وعليك يوم رح يجي الدور
…….
مها الخواجه#Maha
التعليقات مغلقة.