حبل غسيل شعر .. جيهان النجار
كانت عيونه عبارة عن رحلة
لغاية………. ديزني لاند
كان فيها عِند
يخللي
حجر
الخوف يلين
أول حكاية حب
تبدأ عمرها
قبل الزمن نفسه
مايعرف إحنا
مين
كنا يادوبك
واد وبنت
وحاجة حلوة وضحكتين
الحب كان من غير سبب
القلب نفسه كان
بيسأل ع الهوي
كانوا يقولوا له
بس عيب
اياك تركز فى
القمر
إياك تركز فى
العينين
فابقينا جيل
خايف يعيش
لا الناس يقولوا
قليل ادب
ما بيختشيش
ازاي يفكر ف الحياة
وكأننا
حبل الغسيل
منشور علينا
حلمنا بيشر آه
بينقط الأحاسيس
ذنوب
وينشف الشوق
من وراه
ويكرمش العمر
ف دولاب ويطبقه
علشان يِدوووووب
عايزين
مواد جديدة
ف كتاب الهوي
تشرح علوم الحب
تتخرج قلوب
التعليقات مغلقة.