( حبيبى فالصو ) …جمال زكي عينر
فالصو حبيبي فالصو
مواعيده كلها فالصو
عيونه تمللي جريئة
شمال ويمين بيبصوا
علشان كده لما بيوعد
مواعيده كلها فالصو
يوعد وبوعده بيخلف
ولما باواجهه بيحلف
يحلف مع إنه بيكدب
ده بدال ما يجينى يتأسف
استنى ف مرة يجينى
اتاريه كداب وناسينى
ويعدى الوقت عليا
والدمعة تسيل من عينى
قاسي ولا حاسس بيا
ما بيرحم دمع عينيه
ولا زعلي بيفرق عنده
مع إنه غالي عليا
منك لله يا حبيبى
يا سبب نكدى وتعذيبى
نفسى انك تصدق مرة
وتجينى تطفى لهيبى
بقلمي الشاعر جمال زكي عينر
التعليقات مغلقة.