حبيتك كلك…بقلم أشرف الشناوي
قطع لسان
اللى يقول
انى ماحبتش
فى يوم نخلك
دا انا قلبى
مادقش
غير لما ندهلك
وعشقتك اكتر
من أيها حاجه
حبيتك بقاسوتك
وغباوتك
وباموت فى ترابك
وفى طينك
وافرشلك من روحى
ملايه
حتى ان سيبتك
وسافرت بعيد
والله بالاقيكى
معايه
باشتقالك
فى الغربه كتير
واحلم ان انا
فوق كفك
عصفور بيطير
محلاكى ياغيه
بتحضن فى حمام
محلاها وشوش
الناس اللى بتضحك
فى سلام
محلاها البنت
إم ضفاير
والكحل اللى بيبدر
فى عينيها
كلام
محلاها الخلق
الموجوعه
وبتنكت
علشان ماتعدى
الايام
حبيتك كلك
على بعضك
بحلاوتك ومرارك
وبصدق اعذارك
قطع لسان
اللى يقول
انى ماحبتش
فى يوم نخلك
دا انا قلبى مادقش
غير لما ندهلك
يابسيطه
فى لبسك ودلالك
ياحلاوتك
وفى رنة خلخالك
انا هافضل احبك
لوحتى ماجتش
فى بالك
قطع لسان
اللى يقول انى
ماحبتش
فى يوم نخلك
او حتى خيالك
اشرف الشناوى
شاعر عاميه
البرامون
التعليقات مغلقة.