حُـب الـبـنـات
بـ قلم/ أسـمـاء الـبـيـطـار
نخرج شوية من اللي إحنا فيه ده ، و نرجع لموضوعاتنا إلإجتماعية
يمكن الموضوع اللي هتكلم فيه شائك شوية .
لكن لازم نفتحه خصوصًا إنه يخص ” الولاد و البنات ”
كتير من الولاد اللي بتحب ، بنت و بتتعلق بيها في مرحلة الجامعة و يمكن قبلها، و هصدق إنه حب حقيقي و إن لو فيه إمكانية هيتقدم
و و لكن في الغالب اللي بيحصل غير كده .
أو الواقع بيقول غير كده .
و البنت يا دووب تخلص الجامعة و يبدأ يدق بابها الخُطاب .
و دا الطبيعي و بعدها سيل من الإتهامات من الولد إنها خدتعه ، و كسرت قلبه ، و كانت بتقضي وقت و خلاص و و و !
و من النهاية دي نبدأ موضوعنا
و يمكن أتكلم من واقع تجارب كتير فعلية حصلت .
أولاً ، و ثانياً و عاشراً البنت لما بتحب ، بتحب بقلبها .
و لكن و نحط تحت لكن دي الف خط .
بتحب بغرض ” الـزواج ”
مش علشان تقضي معاك وقت لطيف ، و خيالها بيخليها تصدق إنك هتخلص جامعة و تييجي تتقدم ، و تدق بابها ، كتير منهم بيبقوا راضيين بوضعك اللي على أده ، و مستعده تتحمل و و و .
لكن الحقيقة إنت اللي بتبقي مش مستعد .
المهم .. إن اغلب اللي بيحصل غير كده و الواقع و الحياة بيفرضوا علينا واقع تاني ، و حياة تانية غير اللي كنا بتمناها .
و لأننا في مجتمع شرقي ليه قواعد و أصول و ما زال في بنات كتير بتخاف تصرح لأهلها إنها بتحب ، فالدنيا لازم تمشي طبيعي
و لما يدق بابها واحد إبن حلال و جاهز ما ينفعش ترفض خصوصًا لو قعدت معاه و لقت نوع من القبول ، و حياة الكريمة هيوفرها ، و كلام العقلاء من حواليها هيخلوها تفكر بوااااقعية .
و يمكن أقول حاجة الولاد ممكن يستغربوا لها .
إن معظم البنات بتتعلق حقيقي بالإنسان اللي بيدق بابها و يدخل شاري و يمكن من أول قاعدة ، ترسمه زوج و حبيب و أب لأولادها و تعيش الحياة قبل أن تبدأ .
حتى لو كانت أول مره تشوفه ؟
حتى لو جه و ما رجعش تاني لأي سبب !
لكن الحالة دي في الغالب بتبقى مع البنات الخام اللي مقفلة على نفسها ، و في بنات كتير كده .
يمكن المشكلة في الحب من الجانبين و بكل صراااحة ..
إهمال الواقع ، أو إقصائه .
لازم يبقى عندنا جزء من الوعي لأن الواقع أقوى من أي شئ .
أقوى من أن بنت ممكن تضيع عُمرها و في الأخر نسمع كلمة النصيب غلاب .
أقوى من إنها تفكر في مستقبلها بعملية خصوصًا زي ما قولت إننا في مجتمع شرقي ، لو رفضت مره علي مره ، حدث و لا حرج .
أقوى من إنها تنتظر مجهول .
نعم مجهول و يا عالم بعد ما الولد يشوف نفسه و تستناه ………
بعد كده يلاقيها مش من مستواه !
و أكيد كلنا شوفنا حالات كتير من دي .
الحُـب ..
و دي وجهة نظر شخصية.. لابد أن يدخله العقل خصوصًا من جانب البنت و بكل صراحة ، لابد أن تقرر إن كانت الأمور ستسير على خير أما أن القلوب ستكسر .
و الأفضل الف مره أن تنتهي العلاقة في أول الطريق ، أو منتصفه بدل وجع القلب للجانبين طول العُمر .
التعليقات مغلقة.