حب النظرة الأولى.شعر/وجيه وسلاتى
وحياة عِنِينْ أنا شُفتها
لَازْرَعْ محبّة ف قلبها
وابْسط إدَيَّا لْحدَّها
علشانْ دِي جاتلي ف وقتها
أنا شفتها .. آه شفتها
من يومها حاسس قلبي ده
تايه في دنيا بَحبّها
وعْشقتها
والقلب حس بإنها
دِي مكتوبالي بحلوها
وبمرها
قصّتها حلوة فهمتها
والدنيا جايّة بشمسها
تروي هوايا ف حضنها
يا ربّ وصّل شُوقي ليها
وصّلْ مشاعري لقلبها
دَنا بَعْتبرها حتّه منّي
وخدت حياتي بسحرها
التعليقات مغلقة.