حب جديد بقلم وحيد علي الجمال سرس الليان محافظة المنوفية جمهورية مصر العربية
انا حاكم على قلبي
حقيقي ينام من المغرب
ولو شاف الهوى ماشي
يغمض عينه من بدري
كأنه ماشفشي ويطنش
ولو جاله في يوم حلمه
يقوم مفزوع مايحلمشي
ويدعي أنه مايعدشي
ولو خبط على بابه
لخبط الباب مايسمعشي
مايفتحشي
ولو قابلُه ف طريق صدفه
ياخد بعضه كدا ويجري
ولو مره طلع في الضلمه
ثبتني من الخضه
ماتهربشي
مانش ناوي اكرر تاني
يوم خيبتي
حقيقي بجد على
حالي ماتضحكشي
دا ليه أسلوب كما الساحر
ماتفهمشي
إذا حس الأمان منك
خطف روحك ماترجعشي
مانش فاضي لحب جديد
يسهرني
وابات الليل عليه مشغول
واستني نسيم قلبه
على قلبي كدا يعدي
انا جربت الهوى مره
وعارف فيه كمان حظي
فلو ناوي تعذب قلبي من تاني
انا قلبي حقيقي ماعدشي يتأثر
فَخُد بعضك على بعضك
وشوف غيري انا بطلت ادمانك
واخر جرعه فضيتها
كانت لحظه ماتتعوضشي
انا حاكم على قلبي
على غيرك ومن غيرك مايشربشي
التعليقات مغلقة.