حدث بالفعل زمن ماقبل كرونا كلمات مسعدالبحراوي
أنا روحت مره فرح
وصاحبه مش صاحبي
عزِّم فؤادي ولمح
معازيم بتفرح بي
وناس فؤادها اندبح
وبتنسى وتخبي
ورى هبتين دخان
وف صدرها تعبي
لحن ونشاذ رجهم
بأمانه كان طربي
طرب الدفوف والعود
في الفرقه مش موجود
لكنه أَنّْ وشدا من كل صوت مخفي
بس العريس مشكله
واد عبقري وضُحكي
سلم عليا وباس
مع إني معرفهوش
وشوش تقابل وشوش
كأنهم احباب
ووشوش تعاشر وشوش
حقد وسراب وخراب
أَمَرْ م الأغراب
وعريسنا بقى صاحبي
قومت ورقصت كمان
بس الخشى آسي
خايف اكون إنسان
بِفرح وبيآسي
لكن الفرح شدني
وكأني بين ناسي
قلعت توب الخشى
وسرحت جوه الناس
كاس انبساطهم سطلني
وسقاني فجأه الكاس
دارت في راسي
الوشوش
ولمست مواجعهم
صوتهم سامعهم فاهمهم
لكنه جواهم
وناس لا ليهم صوت
والدنيا لهياهم
وخلق عايشه الدور
الحظ علَّاهم
وحزن جوه الوشوش
تتمنى ينساهم
طلب الشاويش مِنِّهم
يقفوا دقيقه ثواب
أصل الثواب مطلوب
بيعلو بيه الجواب
والمطربين شغلهم
يفرحوا الأحباب
وانا جوه قلب الفرح
لكن واخدني غياب
2020/2/14 12:36 ص
التعليقات مغلقة.