حديث من مستشفى المجانين بقلم أبو شمس سالم
بيقـــولــوا علينا ياناس مجانين
فاكرين نفسيهم كدا عـاقلين
طب يلا تعالوا يا مُحترمين
هحكيلكو حكاية في غمضة عين
ونشوف مين فينا طلع مجنون
دا الأخ مخاصم فيكم أخوه
و الإبن بجهله بيطرد أبــــوه
والصاحب منكم قربه نفاق
يديكم ضهره يوم تخونوه
خليتو حياة الأستاذ صورة
صبحت هلافيتكم منصورة
عملتو من الهلافيت أمجاد
وصنعتو القدوة من الاسطورة.
داكل صفات السوء سبقاكم .
الست الهانم رافضه عيشتهـا
محـامي حرامي بيخرب بيتها
بترفع دعوة خلع لجوزها.
علشان سابها تعيش براحتها.
ليل ونهار مطحون في كفاح.
وياريته بكل كفاحه عاجبها.
شفت يا سيدي الست العاقله.
عايزة تهد الأسرة بحالها.
التعليقات مغلقة.