حسين بدراوي زيدان البيومي .راحة بال
…………
قهوة و نزوة ولحظة ونظرة
وقعدة وراحة بال
حلم بدون تفسير وكلام مكتوب
و كلام إتقال
ياما الدنيا إدتنا حاجات تشبة
للفرصة تمام
واحنا ساعتها جرينا
عشان نلحقها وبرضو محال
ياللي عافرت كتير
وإستنيت طوابير
وإتخيلت كإنك
نقطة ف بحر غلابة كتير
ياللي تعبت ودوخت
وكان آخرتها مفيش تقدير
خدلك هدنة وحبة راحة
وخدلك شوب عصير
مالها العزلة ما كانت سهلة
بناقص شلة تشل
ريح قلبك عيشها بعقلك
وانت تلاقي الحل
عِشت تقول الخطوة دي صعبة
وانا محتاج ل شريك
عدى العمر و واقف وحدك
حد يا عيني عليك
فاشل فاسد دايما واخد
نفسك ع التوهان
وأما بتوصل برضو بتلقى
الشدة بدون إنسان
ياللي تمامك عبد غرامك
عبد الله أقوى
مهما تحب الكاره
برضو لا بد هيستقوى
ضامن قربك ومحضرلك
مقلب على سهوة
سيبك م التفكير وتعالى نروح
نشرب قهوة
التعليقات مغلقة.