حـــــروف للبيـــع…بقلــم سالـم أحمــــد
قـــــوم يامحمـــد قـول لربيـع
ليـه الشاعــــر حقـــــه يضيــع
يـكتــــب فُصـحى أو عامـــيةْ
أو كلمــــات هتكــــون أغنـــيةْ
فُصــحى بيتعـب نظم وقافية
والعاميــــةْ سطــور محكــــيةْ
صـرف ونحـــو ومعـــنى بليـغ
وقــت وجـــهد بلاش بيضيــع
قـــوم يامحمـــد قـــول لربيـع
عنــدي حــروف ببلاش للبيــع
كلمــةْ بقــولها ومـــش هتغــير
إن النـاس بعقـــــولها تحـــــيّر
مُش هضعــف أبـدًا واستسـلم
ولاهشتكـــــي أبــدًا وهــــكمل
عــــلشان قالــــــوا علـىَّ زمان
موهــــوم عايـش بس بيحـلم
تـــوّه نفسـه فـ سكـــةْ بعيــدةْ
بكــــرةْ يجيـــله الوقت ويندم
علشان كدا مـش لازم أضعــف
واللي بجهلــــه اتكـــــلم عــني
لازم ييجــــي فـ يـوم يتأسـف
واللي يشوفني وكان بيطـنش
بكرةْ يجيلي عـــشان يتعــرّف
وينــادي علــــــيَّ ويتقــــــرّب
وكأنــــه بإسمــــي بيتشــــرّف
يكـــــدب وينافــــق ويقـــولي
إنـي لقلــبه كـنــــــت مُقــــرّب
قـوم يامحمــد لـيه مستغـرب
بكرةْ هيحصل مـن كدا أغرب
التعليقات مغلقة.