” حفيدتي لابنتي ” شعر سيدة القصاص
اكفيها …شر
” كورونا “
واحمييها
يارب الناس
دي “فريدة” قطة
و حنونة
وخدودها
فصوص أناناس
بسمتها
شاشات السيما
ماجابتها
أبدا مرة
تتبسم تحلى
معاها
محيطات
العيشة المُرة
ويطير
بينا الإحساس
لو تعطس
قلبي ياخدني
والظن أوام
يراودني
وبسرعة
أبخ وأطهر
وأداري عليها
اكمني
من غيرها أتوه
و “احتاس”
مش قادرة أعيش
من غيرها
باتغطى بريش
عصافيرها
وأدوب ف حرير
ضفايرها
و بنركب سوى
ع الوحدة
و ندهوس
ع الوسواس
موهوبة زي مامتها
شاربة من بير
حلاوتها…
والقمرة
لمَّا شافتها
غرقت ف بحور
ضحكتها
قالت
يانجوم دلوني
الحلو
منين يتباس؟؟؟
.
التعليقات مغلقة.