حقود الروح كلمات هدى وهبة
ماأقولكش
واقولك إيه..؟
عن بلاويه
دا مابيهمدش
سايب كل النعم
في إيديه
وباصص علي اللي
ربك قال ده مالوش فيه.
طب قولي
ياسيدي ..ليه؟
يقول الحمد
و مايحمدش
ونداب عمره مابيسكتش
وغير الحقد مابيعرفش
تقوله يتوب..
يزيد في النبش
تقوله حرام
..مابيحرمش
و مادد عينه
قبل إيديه
علي اللي
مالوهش قسمة فيه
أما لسانه ده يا لطيف
..مابيرحمش
نفسي في يوم
أشوفه وأديه
بدال الكف
يجي ميت كف
يمكن بعدها يرتاح
ولا ينطقش
التعليقات مغلقة.