حكاوى عاشق بقلم : رضا أبو الغيط
من هنا ولحد ما نتقابل
هفضل سهران احكي لصورتك
ازاي حبيتك من نظرة
وازاي مش قادر على بُعدك
وازاي القلب اللي هواكي
بقى مغرم يسهر صباحي
مع نجم الليل اللي تملي
بيغني كلام يوصف حُسنك
من هنا ولحد ما تصحى الشمس
وتحس بقلبي المشتاق لك
هتكلم مع صورتك بالهمس
وهقول من شوقي اني بحبك
وأحايل قلبك لو يرضي
يسمع دقات قلبي المغرم
يقطف من فوق خدك وردة
ويهادي كام وردة لخدك
من هنا ولحد ما اكون جنبك
هوصف لكوفي حنان كفك
وأمني العين لما تشوفك
تسمع وتشوف دقات قلبك
وتقول لعيونك ليه خوفك
من نظرة عين قلب حبيبك
ده ليلاتي يحايلك وبيحلم
باليوم اللي توافقي يقابلك
التعليقات مغلقة.