حكاوي سمسمة “أساسيات الحياة الزوجية”… أسـمـاء الـبـيـطـار
إتكلمنا في المقال السابق ” إبن أمه و سيظل ” عن الحب و فرقنا بين الحب الفطري و الحب المكتسب .
ندخل في موضوعنا
و زي ما إتفقنا إننا هنتكلم عن أسباب هدم البيوت ، و العجيب إن البيت بيتهدم تحت إسم ” الحب ” ؟!
غريبة مش كدة ، لكنه للأسف واقع يفرض على معظم البنات بالأخص اللي وافقت إنها تدخل في بيت عيلة ، أي نعم ليها شقتها ، لكنها للأسف مش حرة في بيتها اللي الشرع أمر بيه .
و لا بتلحق تفرح بشقتها و إستقلالها في البيت اللي كانت بتحلم بيه !
” بعض الأزواج ” بتدخل و بتسلم زوجاتهم عفواً ” تسليم أهالي ” لأمهاتهم ؟!
على أساس إنها ” صُغيرة ” ما عندهاش خبرة
لازم تتعلم و عفواً كأنها بنت مش طالعة من بيت !!
و بتبدأ الحياة تاخد منحني تاني خالص غير اللي البنت رسمته في خيالها و اللي ممكن كان يبقى حقيقة لو كل واحد إلتزام حدوده وواجباته .
و الأم بتعمل كدة من باب الحب و إنها بتوفر لإبنها طقة أو إتتين ، و بيبتدي الحياة دي من غير ما يدوق و لا يعرف معنى المسئولية .
و لا حتى يعرف يعني إيه بنت ناس إتبهدلت لإن شئ فشئ الأم بترمي مسئولية البيت كاملة باللي فيه على ” العروسة “
أي نعم بتبقى لسه عروسة و بتدخل في دوامة مرة واحدة بطريقة غير آدمية بالمرة !
و فعلاً بعض البنات بتبقى مش مستوعبة اللي بيحصل !
و يمكن ممنوع تشتكي ، أو تطلب إنها تنفصل لوحدها في شقتها .
بحجة إنه ما ينفعش ، نقول إيه لماما ، و بدل ما إنتي قاعدة لوحدك
و دي ست كبيرة و زي والدتك ، و مش كتر خيرها إنها بتساعدنا و و و و .
و بتفضل طول النهار قاعدة عند حماتها و تطلع شقتها على النوم ، مهدودة
و يمكن عفواً ما تقدرش على ” واجباتها الزوجية “
و يبدأ خلاف من نوع جديد و لا يستوعب الزوج ما تقول ؟؟
يعني إيه تعبانه ؟
و يبدأ النزناز اللي كان هو أول أسبابه ؟!
و تبدأ المقارنة غير المنطقية بين ” أمه و زوجته “
الأم اللي بإسم الحب هدمت بيت قبل أن يُبني ، مع العلم إنها ما ترضاش على بنتها وضع زي ده واقع بنعيشه و كتير من البيوت خربت قبل ما تعمر .
و علشان الأمور تسير في خط مستقيم من بداية الحياة الزوجية
لابد من الإستقلال التام للزوجة عن الأم حتى و إن كانوا في بيت واحد .
لا بأس من الزيارات الخفيفة
و السؤال من وقت إلى أخر و دون التدخل في الخصوصيات .
لا بأس من مساعدة الزوجة لحماتها في الظروف القهرية فنحن بشر و لابد أن نتعامل بإحسان و إنسانية .
شقة الزوجة ملك لها بكل ما فيها ، و ليس صحيح إنها شقة أم الزوج؟!
كما يتصور لبعض الأمهات ؟!
لابد أن تبدأ الحياة الطبيعية بين الزوج و الزوجة
و ليس بين الزوجة و أهل بيت الزوج .
و إلى لقاء أخر مع حكاوي سمسمة ..
التعليقات مغلقة.