حكاوي سمسمة “صُغيرة و مش مستاهلهة” بـ قلم أسـمـاء الـبـيـطـار
الدُنيا دي ..
أصغر من إنك تعمل لها حساب .
أصغر من إن حد يظلمك و تفضل شايله فوق دماغك و مكدر نفسك بسببه .
أصغر من إنك طول الوقت همك تراضى الناس على حساب نفسك .
أصغر من إنك طول الوقت حاسس انك ما عملتش فيها حاجة !!
و دي أصعب و أسوأ حالة ممكن تضيع بيها اللي باقي من عمرك .
صدقني أصغر من حاجات كتيييير .
بس أترك حبلها من إيدك و ما تشدوش على أيام و سنين عُمرك اللي باقي .
أترك أمورك كلها كلهاااا لله ، أحسن فيها نواياك و ظنك .
و لأنها صُغيرة مش هيأخر حقك لو فيها مظلوم .
لكن ..
حاسب لتكون ظالم .
و لأنها صُغيرة مش هتلاقي وقت تقيم نفسك فيه
و مش هينفع الندم .
آمن و صدق إن عيشة اليوم بيومه أجمل حاجة ممكن تريح أعصابك
و لما نعيش لليوم اللي بعده ربك يحلها ، ما ربك ديماً موجود .
و بعد فترة من العُمر ليست ببسيطة
بشوف الدنيا زي ما شوفتها أول مرة ، و كل مرة بتأكد فيها إنها
صُـغـيـرة و مـش مـسـتـاهـلة .
و إلى لقاء أخر مع حكاوي سمسمة ..
التعليقات مغلقة.