حكايات الفيس بوك
بقلم سامي حنا
“القمرمسافر” بعتت لي طلب صداقة ، وأنا الفقير إلى الله لا أقبل طلب صداقة لمثل هذه الأسماء الوهمية وأطلب معلومات بسيطة حتى أقبل الصداقة مثل الأسم الحقيقي والمهنة والمؤهل والسن والاهتمامات أو الهوايات وكدة ، علشان مش هاقبل صداقة من أي حد تحت السن القانوني ، وطبيعي إن السن يكون متقارب طبعا وبالفعل أرسلت رسالة “للقمر مسافر” ، فقالت أسأل وأنا أجاوب ، أول سؤال كان ماهو أسمك الحقيقي ؟
قالت : استكفينا
زعلت جداً لأني ماقلتش أي حاجة غلط وقلت لها ، ليه تقولي كدة ؟ ليه استكفينا ؟
- قالت يا باشا ، أنا اسمي الحقيقي “استكفينا “
- قلت بلاش هزار
-اقسمت أن هذا هو اسمها الحقيقي وانها مدرسة في مكان ما في مصر . - طيب ليه ما غيرتيش اسمك في المحكمة لما كبرتي ؟
- قالت في الاول الاسم كان عاملي مشكلة ولكن دلوقت بقى عادي جدا وحبيته جداً وبقيت مشهورة بيه جداً.
- مين اللي سماك الاسم ده ؟
- أبويا الله يرحمه لأنه خلف سبع بنات قبلي وكان منتظر الصبي ولكن جيت أنا وأنا كنت البنت التامنة وسماني “استكفينا “
وضحكنا معاً واستأذنتها أن أحكي قصتها ، قالت ماشي بس هي عندي كصديقة باسم حركي آخر غير “القمرمسافر” و ” استكيفنا “
استكفينا خلاص
التعليقات مغلقة.