حكايات ستى !
بقلم/ زين ممدوح
كعادة كل خميس تلتقى أحفادها وأبناءها.ولا تتركهم يغادرون، إلا بعد سماع حكاية من حكاياتهاالجميلة.
ولا تقبل أبدا أن يناديها أحفادها بجدتى،
!. وعندما أرادوا أن يعلموا السبب
قالت
منذ أن ترددت الأمهات على الچيم والنوادي. ظهرت جدتى .وتيته . وأحيانا طنط كمان . أنا ستكم يا واد أنت وهو وبس .
ومنذ ذلك الحين نقول ستى فقط لنأمن العقاب
ذات يوم قالت بصوت حانى
عارفين يا أولاد ألوان العلم بترمز لإيه؟!
لم ينطق منا أحد.
قلنا لا دراية لنا بذلك
علشان أنتم مش بتحبوا تقروا ،هتعرفوا منين!.
اللون الأحمر يا ولاد يرمز للمسؤولين!.واللون الأسود يرمز لمعاناة الشعب!.
ماذا عن اللون الأبيض يا ستى؟
الأبيض حاجز بين الطرفين علشان محدش يعدى ويروح للمسؤولين ويزعجهم !
فضحكنا جميعاً
رد أبى مداعبه جميلة منك يا أمى. الضحك بيعدل المزاج !.
العلم يا أولاد رمز وطنى.وشيءمقدس
لازم كلنا نحترمه،ونفخر بيه.مش مجرد قطعه من القماش.بتشوفوا الرياضيين لما بيجيبوا مدليات ذهبية لمصر.
علمنا بيبقى فوق الجميع.
اللون الأحمر رمز القوة والأمل.
والأبيض الجميل رمز الصفاء والنقاء.
والأسود صمود مصر أمام الإحتلال.
يتوسطه نسر باللون الأصفر يسمى نسر صلاح الدين .وينظر ناحية اليمين ،
فلازم يا أولاد تكونوا حافظين النشيد الوطني فى قلوبكم.والعلم رايتكم المرفوعة فى كل مكان.
وقولوا بلادى بلادى لك حبى وفؤادى.
دى بلدكم يا أولاد حافظوا عليها !
التعليقات مغلقة.