حكايات واحة مستشفى 57357… جيجي حافظ

فى تجربتى هذه رأيت الكثير من الصدمات و المآسي…….التى كانت بمثابة ضربات صارمة على قلبى ،وعقلى. ….وكان يجب علينا ان تقوينا هذه الضربات وتفتح لنا ابوابا للتفكير فى اهم أمور حياتنا حتى نستطيع تخطى الأحزان واستكمال المسيرة ……
منحة تنير فكرة
عبر كل حكاياته لاحظت شئ واحد ….ثابت فى كل حكاية ….حتى حكايتى انااااا ان كل اب وام بيقولوا على ابنهم الذى اصيب بهذا المرض اللعين انه احسن اولادهم ولديه مميزات غير موجودة باخواته …. (اذكاهم_ اشطرهم علميا احلاهم اطيبهم_ أأدبهم_ احنهم…)
انا فى ابنى ..سيف …قولت زيهم كده بل واكثر ولما ركزت معاه اكتر لقيته اكثرهم تسامح واهداهم واريحهم. ..(يارب يا روحى يريح قلبك زي مابتريحنى انا وباباك).
بس على فكرة …….وجهة نظرنا كلنا غلط ……أيوة كلامنا كله غلط×غلط، …وهذا لا يقلل من صفات ابنى الحميدة …فكل من عرف ابنى يشهد له بذلك وأكثر ……(الحمد لله)
فى شئ مشترك فينا كلنا ،،،،،،،،ليه كلنا قلنا كده على أولادنا المرضى……….؟
طبعا كلنا جه فى بالنا أن ربنا مش بيختار الا الناس الحلوة علشان يبتليها،..،،،..
وحاشى لله أن نتدخل فى اختياراته ،.،.،،و هذا الكلام ليس دائما صواب ….ولكن ربى يبتلى من يشاء من عباده المحسن والمسئ وكلاهما يريد ربى ان يجعله من المقربين وهذه نعمة من الله علينا ورحمة منه.
ومن هنا …..لابد من وقفة …وأن نمنح أنفسنا وقتا للتفكير…..!
هو احنا ليه ما شفناش مميزات ولادنا كلها قبل ما يتعبوا ……ليه
ليه لما قلبنا وجعنا عليهم بدأنا نغير نظرتنا ليهم…..،.ليه
ليه لما سمعنا الآه بدأنا نحس بيهم …،،،….ليه
لازم قلبنا يتقهر عليهم علشان نصدق أنهم أغلى من أنفسنا ….علشان نعرف قيمتهم. ….
انا من خلال تجربتى أحب اقول لكم ،..،،مش لازم. ..،ياااارب ما حد يشوف مكروه فى عزيز عليه …،
دعوا الحب الحقيقى الوحيد الصادق 100%ان يخرج إلى النور لكى يصل إلى أغلى مافى الكون،….غيروا نظرتكم لاولادكم اتركوا جميع مشاكلهم على جنب.
نظرة رضا سوف ترى الجميل اللى فى كل واحد
ياريت كل واحد فينا يبطل يقول على ابنه ده (قليل الأدب ..غبى..عصبى،،شقى..،وغيره)
لو تركتم هذه العيوب (اللى ممكن تبقوا انتو السبب فيها)على جنب لرايتم أولادكم على حق ….ركز شوية كده فى ابنك او بنتك….ركز …هتلاقى فيه مميزات كتييير اكتر من العيب الوحيد اللى انت شايفه …ممكن يبقى (حنين …كريم ….متواضع ….واسع الافق .له نظرة مختلفة فى بعض الأمور ….راضى بحاله….مقنع ….قيادى ..يعتمد عليه….
وغيره وغيره)وفي الآخر تقول عليه مش شاطر مثلا …….مش مهم
او شقى ……مش مهم ..،كل المميزات دى و بتقول الوحش ليه كده ..
تغافلو عن عيوب اولادكوا………حبوا مميزاتهم واعرف قيمتها……لازم من تغييير النظرة التقليدية للمميزات (النظرة الرجعية)مش لازم يكون ابنك اشطر واحد ………….
ولا اجمل واحد ……ولا اذكى واحد …….
انا كنت كده……كنت عاوزة ولادى من الأوائل( وده شئ مش وحش)بس مش على حساب زعل ولادى ….وبتوبيخهم كل شوية.. متضيعوش احلى سنين عمرهم معاكوا فى المشاكل التعليمية والمذاكرة والواجبات .،،،كل حاجة ممكن تتعوض
إلا ….علاقتك بابنك
شوف الميزة اللى فى ابنك وأحمد ربك عليها ونميها….وعلى فكرة ممكن ابنك ده يكون اكتر واحد فى البيت ربنا يسهله كل اموره يبقى رزقه حلو مثلا ،،يبقى بركة البيت ..،.فى ناس بجد كده بيقولوا عليهم قرفتهم حلوة …دى نعمة على فكرة

دور جوه ابنك على الحلو اللى فيه هتلاقى الدنيا بتضحك قدام عنيك وتشوفها بشكل تانى.

بجد انا استفدت من تجربتى دى ….اتعلمت ان
التفاصيل الصغيرة اهم من الخطوط العريضة لانها اساس الحقائق والعلاقات …..وشفت فى أخوات ..سيف… حاجات حلوة كتيييير عمر عينى ماشفتها …وحابه انتو كمان تشوفوا الحلو اللى فى حبايبكوا.
انا قصدت أنزل الحكاية فى الوقت ده بالذات علشان الامتحانات…وعلشان تغيروا المعاملة مع ولادكوا …..ياليتنا نعلم ان سلوكياتنا مع اولادنا تترسخ فى أذهانهم …..فاحسنوا السلوك .
انا عارفة أن الكلام أسهل من الفعل ….بس يلا نبتدى سنة جديدة فى كل حاجة ….حتى فى علاقتنا بولادنا

ربنا يعنكوا عليها ويااارب يجعلها سنة سعيدة علينا جميعا… ومباركة ومليئة برضا الله
انا بشكر محنتى اللى غيرت نظرتى.
ويااارب يشفيك يا حبيبى ويشيل عنك ويشفى جميع اطفال 57357 ويشفى كل مري

الحمد لله على نعمة مستشفى 57357 التى جعلها الله سبب فى شفاء أولادنا وجعلها سبب فى تغير نظرتنا فى الحياة ….ادامك الله علينا نعمة وحفظك من كل سوء.
ربى أنت كفيل بى وبحالى