حكايا واحة ٥٧..محنتي التي غيرت نظرتي
بقلم جيجي حافظ
…. واحنا ليه مش قادرين نفهم ولادنا …
صعب هما يرجعوا لورا ..،،.لكن سهل احنا نطلع لأدام. …صح؟ تعالو اقول لكم على رأى اللى تغير نتيجة اللى شوفته طول عمرى بنظر للولاد والشباب اللى مربين شعرهم (وشايلين جزء وسايبين جزء ….وشوية بجل وشوية من غير ….وطويل من النص وقصير من الجانبين)
بنظهرة مش حلوة بصراحة ….واحيانا كنت برفض اتكلم معاهم كمان،….بصراحة كنت بقول عليهم مش رجالة ….وكنت برجع الغلط للأب والأم ،واسلوب التربية
بس عارفين …اتغيرت اوووى…واتغيرت نظرتى ….وبقيت بنظر ليهم على أنهم شباب وعايشين سنهم بطريقتهم. ….بيجربوا. …ومسيرهم هيتعلموا. …
لما يغلطوا ويجربوا وهما صغيرين ويتعلموا من اخطأهم.. …احسن ما يجرب وهو كبير ويضحك عليه الناس …. أقول لكم بصراحة انا غيرت نظرتى ليه … بطلىسيفلما اخذ الكيمو وخصوصا(Dox)اللى مسئول عن سقوط الشعر تماما …كنت بحس بحسرة فى قلبى وشعر ابنى بيقع قدامه وقدامى كل يوم ….كانت كل شعره على مخدته بدمعه من عنيه.. (الحمد لله)…وعرفت اد ايه الشعر ده نعمة من ربى بس برضو احنا مش حاسين بيه علشان ولادنا بيحلقوه بمزاجهم ..مش غصب عنهم المهم بعد حوالى سنة من علاجنا استمرنا فى انواع أخرى من الكيماوى بس مش بتوقع الشعر ….يعنى وقفنا(Dox) ….فبدأ شعر ابنىسيفيطلع من جديد …ولما طلع وبدأ يضبطه. …يااااااااااه على فرحة ابنى وعلى جمال شعره …فضل يسرح فيه كل شوية وواقف طول الوقت قدام المرايا … ذى اللى وحشه شكله بشعره. ..
ذى اللى بسترجع شكله لما كان بشعره…وفضل يطوله ومش عاوز يحلقه ذى اللى بيعوض الفقد اللى حصله وبيشبع منه ومن شكله بشعره. …(.احساس بنعمة فقدت …وبعد كده رجعت تانى ليك..بجد احساس لايوصف….بس اد ايه بيعرفك نعمة ربنا عليك)
لقيت نفسى بقول يعمل اللى هو عاوزه …اللى نفسه فيه ….ايه يعنى يطول شعره…. وبدأت أحس انى غيرت نظرتى. ….وغيرت تفكيرى أيوه خلو ولادكو يستمتعوا بنعم ربنا ذى ما هما عاوزين ….دى نعمة من ربه له هو على فكره ..،،
احنا المطلوب منا بس لفت الانتباه للصح والغلط…..مادام مفيش شئ يضر عقيدتنا وديانتنا….
يبقى خلاص مش لازم ولادك يطبقوا نفس عاداتك وتقاليدك مش لازم يبقوا على هوانا ….
مش لازم يبقوا غلط مادام منفذوش كلامنا …. نعم ربنا جميله اوووووى ياريت نستغلها ذى ما يسعدنا مادام مابنجرحش غيرنا…..
وياريت نقرب من ولادنا ومن تفكيرهم ….وتقلل الفجوة اللى بنا وبينهم …وكفاية علينا وضع الأساس الدينى والاخلاقى
انا عارفة ان فى كتير هيعارضنى فى الرأى ده ….بأنه لازم يقوم ابنه ويعرفه أن شكله بشعره ده مش رجوله. .،وأن ممكن هو يحلقهوله بنفسه على سبيل العقاب ..بس انا من خلال تجربتى ومن وجهة نظرى _ بقولك أفتح باب النقاش بينك وبين ابنك ….وييقنعك هو ،يا تقنعه انت ..مش تقفل الباب بمجرد ما تشوفه بشكله كده …..انا عارفة ان كل واحد فينا عاوز ابنه او بنته احسن واحد فى الدنيا خلقا وعلما ومظهرا ….بس انا بقولك حط الأساس وسبب ابنك يختار طريقته ذى ما هو شايفها صح وانت خليك جهاز إنذاروتتبع من بعيد …وتدخل ساعة الخطر لا قدر الله من غير ما يعرف ان انت سنده ….لأن انا ليه وجهة نظر بالنسبة للسند دى نتكلم عليها بعدين …… ياترى رسالت وصلت ؟ يااارب ما يحرم اى ابن من أبنائنا من شئ بيسعده…ويعافيهم جميعا ويمتعهم بالصحة والسعادة
التعليقات مغلقة.