حكايا واحدة ٥٧

جيجى حافظ

التجربة مؤلمة بلا شك ………ولكن ما نراه فى هذه التجربة سلاح ذو حدين …..الأول يجعلنا نحمد الله على كل شئ……..والتانى يضيق صدورنا خوفاً من المجهول فيااااااارب متى تهدأ النفوس…….ترتاح القلوب ……؟
اكيد بالقرب منك يا الله
حكاية حنين
حنين اسم جميل معناه فى اللغة صوت الاشتياق…..والبنوتةدى لها نصيب من اسمها…عندها حوالى ٣ سنين …انا لما عرفت حالتها جالى احساس غريب مش عارفة ده ايه …..عدم استيعاب ….ولا خوف شديد…….ولا مفاجأة صادمة………مش عارفة
حنين عندها ورم فى العين الشمال ومامتها اكتشفته وهى عندها ٣ اسابيع لما بدات فى الاجراءات كانت العين وصلت لمرحلة متأخرة جدا وقبل ما تبدأ العلاج راحت العين خااااالص
ايوه ….انت بتقرأوا صح …..عينها الشمال ضاعت تماما …
راحت عنيها ولم ترى بيها شئ فى الدنيا……وكانها رفضت تشوف الالم والعذاب ..بس اكيد سبقتها على الجنة
وبدات فى اجراء عملية استئصال للعين الشمال ….(وعلى فكرة العملية دى مكلفة جدا قد تصل نص مليون جنية من حوالى سنتين …وقامت بها مشكورة مستشفي ٥٧) وبعد فترة عملت عملية تانية ركبت عين صناعية ….ونجحت العملية انا شفت عين البنت تبدو انها طبيعية ولكن مع التدقيق تعرف ان الخالق ابدع فى خلقنا …الهى لك الشكر على جمال خلقك سبحانك يا الله.
المشكلة ان هذا المرض اللعين الخبيث لم يتركها بعين واحدة بل اراد ان ياخد الثانية ولكن رحمة ربى تجلت فى مستشفى ٥٧ انها تلحق العين اليمن من سيطرت المرض عليها فلحقت الورم فى اول مرحلته وبدأت تتعالج وبدأت بالاشعاع ..،.وبالكرايوثربى. …. على مدار سنة ونص (على فكرة ان اول مرة اعرف الحاجات دى ولا مرة سمعت عنها)…ومع التحاليل والاشعة لاحظ الاطباء بان الورم كلما يختفى يظهر تانى فقرروا ان البنت تاخد كيماوى بيحاولوا بكل الطرق المحافظة على عين البنت….ياااارب يجعل تعبهم بفايدة ويقدرهم انهم يحافظوا على عينها…قدر الله لها كل الخير
الام كل يوم بتيجى من الغربية لحد القاهرة علشان تاخد الاشعاع والكرايوثربى (ده بنتعمل فى حجرة العمليات بالبنج)وترجع تانى علشان اولادها صغيرين …………..
،بتروح وبترجع مع مييييين؟
مع كل الصدمات اللى انا سمعتها منها ……..لسه فى مصيبة تانية
الام حوالى ٢٥ سنة ام ٣ اطفال (٧سنين،٥سنين،٣سنين)……البنت بصت على راجل وقالت بابا …..وكررتها تانى و تالت ….هو فين بابا ؟
…..بابا مات…………
اصبحت حنين يتيمة……. وامها ارملة……من حوالى سنة …..من بعد اول عملية وهى لوحدها بتعافر فى الدنيا …..اول لما عرفت انا كان رد فعلى ملفت جدا كنت مندهشة لقتها بتقولى اهدى ..،،اهدى .،،،،ملناش فى نفسنا حاجة ……
سألتها…. مات ازاى ؟….قالتلى عارفة الحادث الارهابى بتاع سيناء هو من ضمن سواقين المكروباص اللى قتلوهم الارهابين …..مقدرتش انطق ولا قدرت استفسر عن اى شئ تانى مش قادرة اكمل الحوار ……وهى بتكمل بتقول انا طلبت العوض من ربنا …،…
انا كل اللى تعبنى ان حنين مش قادرة تنسى ابوها وعالطول بتنادى عليه و دايما بتدخل تنام فى مكانه ………
يعنى برغم عقلها الصغير اللى ممكن ينسى ..الا ان قلبها مملؤء بالحنين والشوق لوالدها
حنيييييين اسم معبر اووووى عن حالتك ……يارب عوضها بمن يحنو عليها بجزء من حنان الاب …..حصل موقف …ان ابنى سيف باباه قعد يهزر معاه وهى كانت بتبص عليه ….ياترى كانت بتحس بايه؟……،.حقك عليه يا حبيبتى…وهو لو كان عارف عمره ما بجرح شعورك …….بس اكيد ربنا احن عليكى مننا كلنا
ملعونة يد الارهاب اللى بتقتل فرحة طفلة بحضن ابيها…
ملعونة يد الارهاب اللى ترمل زوجة فى عز شبابها ….
ملعونة يد الارهاب اللى تخلى ام تواجه مصير اولادها وحدها ..
ملعونة يد الإرهاب اللى حرمت اب وام من سندهم فى عجزهم….
ملعونة يد الإرهاب اللى حرمت كل حنين من حنان أبوها. ….
………….ياااااه على المرار فى هذه الحكاية
يااااه على كم الاهات التى تقف فى حلوقنا ….
ماذا تشعر هذه الام …..؟فالحزن يصاحبها….والآتى يؤلمها..
ثقل القلم ،….ولكن قلبى يدعو لكى بان ربى يبشرك بكل خير …وان ربنا اكيد هيعوضك عن كل الم و دمعة حزن …..يارب يصبر قلبك ويشفى حبيبتك ويكرمك فيها……امين

الحلو فى الموضوع ……لما سالتها عن المصاريف وازاى بتصرف ………….؟ قالتلى اهل جوزى مش مخلينى عاوزة حاجة ..،انا بحبهم اووووى وهما كمان بيحبون اوووى …وقالت عليهم قصايد مدح فيهم جميعا (حماتها وحماها واخوات جوزها)…..وده برضو من لطف ربنا وعوضه
اختيار النسب مهم جدا …..اوعوا المظاهر تخدعكوا …..دوروا على الاصل ..انتو مش بتختاروا زوج او زوجة بس لبنتك او ابنك انت بتختار عيله كامله …..ولازم يكون اول اختيارتكم الدين بمعناه الصحيح اللى هو اساسا الناس اللى متربية ولاد الاصول ……..
من يملك هذه النعمة يحمد ربنا عليها …….ومن لم يملكها يحسن اختيارها لاولاده
اللهم لك الف حمد وشكر عن نعمة اهل زوجى فهم من اجمل عطايا الله ليه .رحمك الله يا اغلى ما فقدت منهم
يارب احفظ مستشفي ٥٧ هذا الصرح العملاق الذى يتكفل بهذه المبالغ الباهظة ولو كانت نسبة الشفاء ضعيفة …..بجد هى بتعمل كل اللى عليها وزيادة كمان وربنا يبارك فى كل من ساهم فى المستشفي…..جعلكى الله دائما دار الشفاء.
يااااارب اشفى ابنى سيف وحنين وكل اطفال ٥٧ وخفف عنهم آلامهم ………….
فانت الشافى الرحيم
ليس لى سواك