حكايا واحة 57″حكايةنجوى “

جيجي حافظ

حكايا واحة57 وحدك يا الله تعلم ما فى قلوبنا وما ينتظرنا ….وتعلم الى من نستند عليه وقت الشدة 《بعدك يا الله 》وتعطينا البديل حين تأخده منا ….فيا الله اجعل الخير فى كل ما هو آت ودبر امور حياتنا فانت يا الله من تحسن التدبير….. حكاية نجوى السند المريض نجوى بنوتة عندها ١٤ سنة وهى البنت الصغيرة بعد ٤اخوات (٣رجال واخت واحدة)بدأ يحدث لنجوى تجمعات دموية فى اماكن مختلفة من الجسم وبعد الفحص واجراء التحاليل .اكتشفت ان عندها سرطان فى الدم ___ودى اول كلمة سمعتها البنت فى اول مرضها وبعدها اغمى عليها وراحت فى دنيا تانية ….ياااااه من مرارة الجملة وقسوة الخبر ….وبدات حياة نجوى تنقلب رأسا على عقب ….وطبعا مش حياتها هى بس بل حياة والديها كمان

…خصوصا انها هى السند والعصا التى يتوكئا عليها…فالاب كان كبير فى السن ولا يقوى على العمل فما بالكم بخدمة ابنته….والام كانت فاقدة لبصرها…. فلا تستطيع هى ايضا ان تخدم ابنتها…..نجوى كانت هي اللى بتخدمهم وتوفر طلباتهم.بجانت اخواتها اللى كانوا ينفقون عليهم المال وكل واحد مشغول ببيته وباولاده )فهى كانت المسؤلة عنهم.
وعندما اتحجزت نجوى فى المستشفى جاءت اختها من بيتها لترافقها (تركت بيتها….. وولادها ……وجوزها )فالاخت هى الام الثانية .
عموما البنات بيمروا بمراحل اصعب من الولاد بسبب شكلهم اللى بيتغير كليا وخصوصا شعرهم وواضح ان شعر نجوى كان جميل جدا وطويل جدا وبعد العلاج الكيماوى بدأ الشعر يتساقط بشكل متقطع…………… فعلا(يحزن)……….وطبعا عرفتوا معايا ان من اعراض الكيماوى الترجيع المستمر …..وكانت نجوى بترجع بشكل فظيع غير متوقع .
فذهبت لأقول لهم بان يخبروا الطبيب ليعطى لهم دواء لوقف هذا الترحيع …..ففوجئت
ان اخت نجوى(ام احمد )هى اللى بترجع (مرة هى ومرة نجوى )….اتضح لى ان (ام احمد) حامل فى الشهور الاولى ……يااااااه على وجع القلب ….يعنى متعرفوش مين هيخدم مين او هياخد باله من التاني ….بس المنظز كان حلو قوى رغم ألم نجوى الا انها لما كانت اختها بترجع تقف لها وتساعدها وكانت بتحاول تأكلها كانها هى الاخت الكبري،،.،…..حبيبتى كنت حساها حنينة قووووىحكا ربنا يخليهم لبعض ويجعلهم خير سند المؤلم فى هذه الحكاية ليس كل ما سبق………..ولكن هى مكالمة والديها لهما لو سمعتوها لازم تبكوا …كانوا بيتكلموا ومكبر الصوت مفتوح(لبساطة التليفون). الام وهى بتنادى بنتها يا نظرى يا عنيه اللى بشوف بيها ….روحى هتروح منى وانتى بعيدة عنى ……وتسكت شوية وتقولها مش مهم روحى المهم انت تخفى وترجعيلى …
الاباااااااه يا حبيبتى نفسى اجيلك بس مش قادر واخوكى مش راضى خايف عليه من المرمطة بس انا هتحايل عليه علشان آجى اشوفك واخدك فى حضنى.والام فى نفس الصوت والنبى خدنى معاك احضنها …..وباباها طول المكالمة بيقولها يارتنى انا وانتى لأه..،انا استحمل انت لأه ……والبنت بتقول لهم انا كويسة اووى خدوا بالكوا انت من بعض …واوعى يابا تزعل امى…..(حتى وهى فى عزآلمها خايفة عليهم وشيله همهم) وكانوا بيقولوا لاختها الكبيرة هاتلها اللى نفسها فيه وميهمكيش الفلوس ….وهى تقوله منين يابا.يقولها هبيع اى حاجة لو هبيع حته منى بس تخف و ترجعولى بالسلامة …. (لكم ان تتخيلوا انى بسمع المكالمة دى تقريبا يوميا ……١تخيلوا حالتى عاملة ازاى ) وهنا ضاعت كلماتى ولا استطيع ان اعبر عما بداخلى من شعوووووور
بعد المكالمة ما خلصت رجعت ام احمد اتكلمت تانى كانها نسيت شئ مهم ……،.عارفين نسيت مين …..ولادها …..فهى ام لطفلين وسيباهم عند اهلها …مين هياخد باله منهم …،مش عارفة(بس اكيد فى رعاية الله)وقعدت توصيهم عليهم وانهم يأكلوهم كويس.ويخدوا بالهم منهم …..،وكل ده كان جزء بسيط من احداث يوم مع نجوى…… .
شوفتوا الاخت…هى الانسانية الوحيدة اللى ممكن تتخلى عن سعادتها …..عن امومتها عن حياتها باكملها علشان أختها __وده من لطف ربى.

⬅ربنا يقويكى يا ام احمد على بعدك عن ولادك ويعينك على حملك وعلى مراعاتك لاختك ويجعله فى ميزان حسناتك…..
احبائى _ازرعوا الحنيه فى اولادكم حنوا عليهم فى الصغر يحنوا عليكم فى الكبر ………..ولادنا هم زرعتنا فما بالكم لو كانت نبتة صالحة فهنيئا لنا ……..،، علموا اولادكم حبهم لبعض….. فماذا يحتاج الانسان فى الدنيا مادام له اخ او اخت فيهم الخير هيكونوا اقوى سند لانهم ببساطة يحملون همومنا …..ادام الله علينا نعمة الاخوه… و قال تعالى (سنشد عضلك باخيك)….يعنى مش هنقوى الا بيهم……………… واحنا كأمهات وأباء اللى هنعمل كده هنقربهم من بعض ونحننهم على بعض ومانفرقشى مابينهم مهما حصل …..حتى لو عملوا ايه ….ركزوا اووووى فى الجزئية دى… يارب اجعلنا بارين بوالدينا. ….واجعلنا خير قدوة لأولادنا
يارب يشفيكى ويكرمك يا نجوى بحق ما اكرمتى ابويكى وكنتى لهم العون والسند ويارب اشفى ابنى سيف و خفف عنه آلمه واشفى جميع اطفال 57 فأنت وحدك ربى تعلم بما يتألمون
_ويارب بارك فى مستشفى سرطان الاطفال57357 فهى ملجأ لكل اطفالنا
ربى منك العون