حكايتنا أغنية جديدة…كلمات أشرف يوسف
حكايتنا من شهر اربعه
أنا و انتي في العام اللي
فات
يومها ابتدينا نحب بعض
وفجأه حسينا بحاجات
يمكن لقانا وقتها
كان صدفه ولا كان بينا
وعد
و بكلمتين اتنين يادوب
ضحك القدر و عشقنا
بعض
وبقينا نتكلم سوا
أنا و انتي و ندوب في
التلاقي
وان غيبتي عني النار تقيد
يا حبيبتي من كتر اشتياقي
وف غربتك شوقك ياخدني
وانشغل واسهر ليالي
واحس بحاجات من زمان
ماعرفتهاش وانا قلبي خالي
والدنيا ضحكت من جديد
وكل فرحه الاقيها عيد
حتي ولو غيبتي في يوم
ما بقيتش احس انك بعيد
وف ليله غيرتي اللي كان
و نسيتي أحلامنا زمان
و كلام و شوق بين القلوب
و قسيتي و نسيتي الحنان
الله يسامحك ليه كده
خبيتي علي قلبي اللي حب؟!!!
وما قولتليش علي كل شئ
ما انا برضه زيك ليا قلب
عشمتي قلبي بالهوي
وعشان بقرب تبعدي
طب م البدايه وافقتي ليه
لما انتي ناويه ترفضي؟!!!
وان قولتي حَبَّاك من زمان
عايزك تحبيني كمان
وتبدلي طبع الأسي
بالحب والشوق والحنان
الجمعه بتاريخ ٢٠٢٢/٤/١٥م
بقلم الشاعر : أشرف يوسف
من ديوان : حكاية حب
التعليقات مغلقة.