حكايتي بقلم مرفت البربري

بعدك حبيبتى
يلزم ف ايه الشعر
وايش يكون معنى
باقى لحروف الجر
وازاى يكون بينا
يا حبيبتى يوم فاصلة
وانتى لحد الوريد
ساكنانى ومتصلة
وايه يشكل حياتى
لو انكسر حبك
ولو عيون القلب
ما ضمت ف يوم قلبك
دا انتى اللى فاتحة لقلبى
شباك على الجنة
وشدة يا دى الروح
لروحى بساط حنة
فرشاه لروحى يا روح
قلبى وباتهنى
بضمتى لقلبك
على بساط الريح
قاعد عليه جنبك
لكن قلبى جريح
خايف تغيب روحك
تتبدلى بنقطة
ومش نهاية سطر
نهاية الحدوتة
تبقى حكايتى خﻻص
خلصت ومالها باقية