الدكتوره ندي رسالة لكل بنت
بقلم سنيه ابو النصر
ماهي البنت الجدعة لما تحس بظروف أهلها وتساعدهم… مش غلط … لكن كمان لازم تخلي بالها كويس اوي بتتعامل مع من وبتثق في من… دا درس لكل بنت طيبة ومش واخده من الدنيا خوانه … اوعي تدي الثقة الكاملة لحد حتي لو كانت اقرب الناس لكي … بدعوكم من تاني… تقروا الحلقة… واللي مخدش باله… يفنجن عنيه …. ويطرطق ودانه وبعدين معاكي ياندي… هتفضلي تبكي كدا كتير…مش قادرة ياماما أتخيل أن بابا خلاص مبقاش موجود في حياتنا
ماتقلبيش علي المواجع يابنتي احنا ندعيله ونطلبله الرحمة … لازم ياندي تروحي كليتك…
تفتكري ياماما هقدر أكمل كليتي … هنعيش ازاي ومصاريف الجماعة هنعمل فيها ايه…
سلمها لله يابنتي … هندبر امورنا أن شاء الله…
هندبر امورنا ازاي ياماما
هبعت لخالك يبعت لي نصيبي في بيت جدك… وربك مش بينسي حد ياقلب أمك
أنت طيبه قوي ياماما… خالي لو عايز يديكي نصيبك في بيت جدي كان أدهولك من زمان
دلوقتي الأمر اختلف… وهقلب عليه رجالة العيلة لو اعترض…
اطلبي مساعدة من عمي ياماما
يابنتي هو عمك لاقي ياكل… الله يقويه علي قوم اللحم اللي عنده…
فكري انت بس في جامعتك وسيبي الباقي علي الله وعلي
ونعم بالله ياماما
المشهد التالي:
في بيت ندي
ماما الحمل تقل عليها قوي ياليلي… ومعاش بابا مش مكفي بحاجة… ومش عايزه أحسسها بأي شئ كفايه عليها مرضها… عايزاكي تساعدني أدور علي شغل في الكام شهر بتوع الصيف أهو اجيب مصاريف كليتي
وهتشتغلي إيه بقي يادكتورة ان شاءالله
عايزة شغلانه تجيب فلوس كتير في وقت قليل…
بصي انا عندي لك شغلانة من الأخر كدا فلوسها ياما بس تفتحي مخك معايه وماتخدهاش علي نفسك اوي
هتشغليني ايه ياتري
بصي ياحببتي أنت دكتورة قد الدنيا ومعنديش شك في كدا…لكن من غير فلوس… الكام سنه اللي قضيتهم في الجامعة هيبقو في الأرض…
ومافيش اي شغلانة هتوفرلك مصاريفك الا الشغلانة اللي عندي دي
خلصي وهاتي من الأخر ياليلي تقصدي ايه
في راجل اعمال كبير في السن مش صغير… عايز واحدة بنت حلال تخلي بالها منه تأكله وتنضف له بيته تديه الدوة وكدا يعني
انت اتجننتي ياليلي
وطي بس صوتك لامك تسمعنا … الراجل دا هيديك مبلغ كبير … وكأنك بتعملي عمل ثواب في راجل عجوز هتمريضه … منها ثواب ومنها فلوس فكري وردي علي…
المشهد التالي:
المكان في الشارع
صوت هاتف ليلي يرن
أيوه ياليلي…أنا..أناااا كنت عايزة أقولك
هههههههه هوفر عليكي الاحراج ياحببتي أنت وافقتي مش كدا… كنت متأكدة وحياتك انك هترني
بس ماليه إيدك منه ياليلي انا خايفة بصراحة
عيب انت بنت عمي يادكتورة مش ممكن أضرك ابدا…
هبعتلك التفاصيل والعنوان علي الواتس… باي ياقلبي… ومتنسيش تجيبي معاكي البالطو والسماعه هههههههه
المشهد التالي:
المكان… ڤيلا رجل الأعمال
صوت اغنية رومانسية هادئه لأم كلثوم…
أهلا أهلا بالحلوة… نورتيني ياعروسة… ماشاء الله علي الجمال و الحلاوة
ندي برعب
حضرتك قولي إيه المطلوب علشان أخلصه وأروح
مش نقعد نشرب مع بعض حاجةالأول ونتكلم
نتكلم في إيه حضرتك…
أنت خايفه من إيه بس… هي ليلي مش قالت لك المطلوب
واتفقت معاكي
ايوه قالتلي
الله اومال ايه بقي … بقولك ايه… براحتك ياقمر خدي وقتك علي الهادي…. مش مستعجل …. عندك البيت اعملي اللي نفسك فيه… بس لو فنجان قهوه من إيدك الأول يبقي كتر خيرك…
حاضر فين المطبخ
وراكي علي اليمن… بس علي مهلك علي القهوةوحياتي عندك… خليها تاخد وقتها علي نار هاديه علشان اعرف استمتع بها
المشهد التالي في المطبخ…ندي بشرود
إيه اللي عملتيه في نفسك دا ياندي ازاي قبلتي علي نفسك شغلانه زي دي… الله يسامحك ياليلي…
ماكنش قدامي حل تاني…هاروح اديلوا القهوه ربنا يسترها…قلبي مش مطمن له…
علي مهلك ياقمر القهوه تدلق.. وتبوظي كدا مزاجي… هاتي إيدك وتعالي اقعدي جنبي
حضرتك في ايه سيب إيدي… الله قايم من مكانك ليه
البت ليلي دي زوقها حلو قوي المرة دي…
يحاول التحرش بها
صوت ندا تلطمه ضربا وصوت مقاومة وصراخ
ايه يابت مالك هي أول مرة ولا إيه فتحي مخك معاية كدا وبلاش الشراسة دي
صوت الضرب والمقاومة تعلو
أوعي ياحيوان ياقذر… سبني يامجرم
هديكي أكتر من اللي أتفقنا عليه واهدي شويه
ندي بتهور وعصبية تبكي:
انت فاكرني إيه ازاي تقولي كدا… اوعي سبني
ثم صوت كسر الفازة مع صوت ضجيج وصوت صراخ محمد مراد صوت
ندي بوحشيه
منا مش هسيبك تدمرني خد دي كمان علي دماغك ياحيوان ياقذر…
سكوت للحظات ظنت ندي انه قد مات
ندي برعب وخوف شديد تبكي… أظاهر الراجل مات لازم أهرب بسرعة قبل ماحد يشوفني…
المكان الشارع
ندي بغل تستشيط غيظا
كدا ياليلي تعملي في كدا منك لله يابنت عمي… منك لله… لكن إيه دا؟؟… ياخبر …دا انا نسيت شنطتي جوه… يانهار أسود بطاقتي وكرنية الكلية في الشنطه كدا أكيد هيعرفوت يجبوني … لازم ارجع أجيبها والا هتبقي مصيبة…
المكان ڤيلا رجل الأعمال
ندي تدخل الڤيلا متلصصه علي حذر
الله!!…
هو راح فين وفين شنطتي
ثم صوت الباب خلفها يغلق صوت
محمد أنور بتوجع وتهديد وصوت غاضب صوت
اه ياراسي… كدا عورتيني … علي العموم … شنطتك في إيدي وهوديكي في ستين داهية لو ماعرفتش حكايتك إيه… ازاي دكتوره وتشتغلي شغلانة زي دي ازاي؟؟…
ندي باكية:
انا ماكنتش فاكره الموضوع كدا
محمد مراد
يعني ايه؟؟… ليلي فهمتني غير كدا وقالت لي ممكن تتمنع علشان عايزه فلوس اكتر علشان كدا كنت عنيف معاكي… لكن ماعرفش عنك حاجة… إزاي دا يحصل؟
ندي بصوت مرتفع غاضب باكي صوت
أرجوك اديني شنطتي وسبني امشي… والدتي لو عرفت حاجة هتموت فيها
محمد مراد بصوت غاضب
أنت كنتي هتموتيني ولا انت مش حاسة بده… ايه حكايتك اتكلمي
ندي باكية:
هقول لحضرتك… ليلي دي تبقي بنت عمي… وفهمتني هنضف لحضرتك الشقه وامرضك… مش أكتر من كدا… منها لله وقعتني في طريق مش بتاعي… عايزه تكسرني وتزلني… لاحتياجي للمال…
تقومي تشتغلي شغلانه زي دي
اعمل ايه… اتوفي والدي ومفيش حد يسد مكانه ومصاريف جامعتي تقيله … وبشفق علي أمي إني اشيل مسؤلية نفسي … هو انا كدا اجرمت…
وازاي بنت عمك تعمل فيكي كدا…
دي قلبها اسود
دي احقر انسانة شفتها في حياتي…
لا حول ولاقوة الا بالله هو في ناس كدا…الغل والحقد جوه قلوبهم للدرجة دي…
انا زيك مصدومة فيها
انت فوقتني بخبطتك دي علي دماغي… امسكي شنطتك وبطاقتك… واستني هديكي حاجة تانيه…
ندي باكية مش عايزه حاجة انا عايزة بس اروح…
يابنتي هتروحي… أنا مش حيوان للدرجادي غير مع الحيوانات اللي زي… خدي دا عنوان شركة ادوية شركة حد أعرفه انا هكلمه…واسمعي الكلمتين دول…. اقل الفلوس هناك أكرملك من أي شغلانه تانية… ودا كمان شيك بمبلغ بسيط تمشي به حياتك
ندي بعزة نفس
أنا مش عايزة حاجة
خدي وبطلي مقاوحة… دا تعويض مني يابنتي علي قلة أدبي معاكي… واعتبريه ياستي دين لما تشتغلي وتبقي دكتورة قد الدنيا
ندي باكية
كتر خيرك
محمد مراد بغضب
وليلي دي أنا لي تصرف تاني معاها…
المكان بيت ندي
مواجهة شرسه بين ليلي وندي
ندي بغضب
أزاي تعملي فيا كدا ياليلي… كنت فاكراني إيه؟؟
ليلي بتشفي وسخرية:
محدش ياحلوه ضربك علي إيدك تروحي اه …
انت رايحة بمزاج مزاجك… اوعي يابت تفتكري بالطو الدكتورة دا هيكبرك ولا هيحميكي … هاها انت ولا حاجة ياحببتي … ويفضل اللي انت عملتيه دا نقطة سودا في البلطو بتاعك… تاريخ مش هتنسيه أبداً هههههههه
ندي بغضب
طول عمرك قلبك اسود ومابتحبيش الخير لحد … غلطتي الوحيده إني صدقتك… مش عايزة أشوف وشك اطلعي بره
ليلي ببجاحة:
بقولك ايه ياروح أمك كلمة زيادة ومش هرحمك
صوت صريخ ندى:
سيبي دراعي يامجرمة
صوت الأم من بعيد:
مالك ياندي
ندي بصوت عالي… بحرص:
مافيش حاجة ياماما دي ليلي بتهزر معايا
أيوه كدا يااختي لمي نفسك بدال ماافضحك قدام أمك… وساعتها الحجة ممكن تحصل عمي… سلام يااااا هههههههه دكتوره قال
ندي
نار الحقد والغل اللي جوه قلبك دا ان شاءالله هيحرقك
المشهد التالي:
المكان دار المسنين
حازم بترحاب
نورتي الدار يادكتورة
ندي
منوره بك من زماااان يادكتور…
يااااااه عشر سنين ياندي من ساعة ماخلصنا الكلية ماشوفتكيش
ندي بابتسامة لطيفه اهو الزمن لف واشتغلت في نفس الدار اللي انت بتشتغل فيها لا وكمان صاحبها…
لا لا خالص… اوعي أسمعك تقولي كدا تاني… الدار دي بتاعتنا كلنا… وأنا بجد محتاجك جنبي في الفترة اللي جاية …
ياسيدي وأنا تحت أمرك…
صوت طرق الباب
حازم
أتفضل
اسفه يافندم… في نزيل في الدار عامل مشكلة تحت ومش عايز يمشي بعد ماخلينا طرفه
ايه الحكاية… عامل دوشه ليه
الشيك السنوي متأخر ليه شهرين… ومش عارفين نوصل لحد من أهله
رزقك في رجليكي يادكتورة… تعالي بقى معايا نحل المشكلة دي مع بعض
المشهد التالي:
المكان حديقة دار المسنين…
صوت ضجيح بين الافراد… والنزيل…
ممكن أفهم اية اللي بيحصل هنا… كل واحد يروح علي شغله … اتفضلوا لو سمحتوا
ندي باندهاش صوت : مش ممكن إية اللي جابك هنا؟
حازم
انت تعرفيه
ندي
الا أعرفه معلش يادكتور حازم… هستأذنك أحل المشكلة دي بنفسي
تمام يادكتورة.. خدي راحتك
تعالي ياحاج قولي حكايتك إيه؟
الحاج باكيا:
الله يسامحه إبني حجر علي فلوسي ورماني هنا رمية الكلاب ولي شهرين مااعرفش عنه أي حاجة… اروح فين يابنتي انا مقطوع من شجرة
ثم صوت نحيب شديد لرجل عجوز…
سبحان الله… الزمن دا غريب قوي… يجبني أنا هنا علشان أشوفك واقابلك… تعالى يا حاج ارجع غرفتك وماتشلش للدنيا هم
وفلوس الدار يابنتي؟
مصاريف اقامتك ادفعت لآخر العمر
الله؟؟… من انت يابنتي… وتعرفيني منين؟
جايز تكون مش فاكرني ودا مش غريب لأننا ماتقابلناش غير مرة واحدة بس… لكن انا فكراك كويس قوي ولولا انك أتقيت ربنا فيا كنت ضعت … انا معروف عملته من عشر سنين والنهاردة ربنا اراد يردهولك …
عايز افتكرك
وأنا مش عايزاك تفتكرني… مصاريف الدار بتاعتك عندي… ودا مش فضل مني… لكن كرم من ربنا لك…اعتبره دين قديم بيجلك في الوقت المناسب
صوت بكاء محمد مراد
بقي ربنا يشيلي معروف أنا مش فاكره… في الوقت اللي ينسي إبني معروفي فيه… حكمتك يارب
بقلم سنية ابو النصر
التعليقات مغلقة.