حلم آيل للسقوط
بقلم نجلاء طاحون
حلم آيل للسقوط
شوفت بكره بيتولدلي
جوه حضن وليا دار
عشت أحلم بيه وأحلم
كل يوم من غير حصار
وأما فوقت عرفت فعلًا
يعني إيه معني الهبوط
وان حبك زي هفوة
وحلمي آيل للسقوط
فجأة علقلي المشانق
حب عاجز جاي يموت
مد خطوة وهات إيدينه
من بحور ملهاش قرار
قوي روحك واحمي عودك
وادعم الأحلام صمود
طير ورفرف بجنحاتك
مش تسلم للجمود
مش تعيش دور الضحية
كمل الأيام بصبرك
أنت ذاتك مش هفية
ارسم العمر اللي باقي
واكتبه صفحه بتاريخك
دوَّر الأيام سواقي
خلي صبرك من يعولك
قوي بكره بين ضلوعك
ابني من ليلك نهار
التعليقات مغلقة.