حلم جميل بقلم حسن أبو عرب
شَعر الصفصافه المجدُولَه
على شط النيل
الهوا بيلاعب ضفايرها
فيطير ويميل
ويحَرَّك للقلب الراكن
ويصحصح لليل الساكن
وف دَرب السما
يبدر قناديل
راح يملا سواقى الحب تدور
والقمر الطالل يبعت نور
وآيات ترتيل
وعروسة البحر الجنِّيَّه
واقفَه تشاوِرلِى بحنيَّه
من جنب التُوتَه القبليه
سحرتنى بنظره مِن عِينهَا
والرمش كحيل
خلتنى أتُوه انا ويَّاها
وأروح لهناك واستناها
أمدح فى جمالها وبهاها
وأقول مواويل
شعر الصفصافه المجدوله
على شط النيل
الندَى من شُوقُه لأغصانهَا
أوراقها تضُمه لأحضانها
ودمُوعُه تسيل
والشمس الطَلَّه علينا بشوق
بتخُدنَا لفوق
والضل العاشق لعيونها
شاهد ودليل
شعر الصفصافه المجدوله
على شط النيل
الهوا بيلاعب ضفايرها
فيطير ويميل
ورمانى بنسمه تفوقنى
أتارينى باحلَم وانا صاحى
كان حلم جميل!!
محتاجلَك يوسِف ترشِدنِى
محتاج تأويل!
محتاج تأويل!
التعليقات مغلقة.