حلم عابر بقلم الشاعر المصري احمد إبراهيم النجار
كل مرة امد ايدي
القي حلمي حلم عابر
كل ما اعبر من انيني
القي جرحي ف قلبي ساكن
كل ما اصرخ او اقولك
حامية شمسك فوق جبيني
ارحميني ليه تجيني
بوجه عاتم
والضفاير شوك بتجرح
كل ما افرح تصدميني
جوه اعصارك مصيري
وتسبيني في ريح وعاتي
والخريف بجنّيه بأيدي
حتي حبك حب زايف
والشفايف كدب طالع
بالأغاني والمعاني غير سلامك
والسلام حبّة حروف
فيها برد وفيها خوف
فيها وعد بكدب ساكن
بين شفايفك كدب
مالي درب ناشف
وهم فارد كل خطوة وكل شئ
في الطريق اصبح وجودك
و الجمال اصبح رديئ
والرتوش اللي في توبك
تحكي عنك كل شيء
ليه بوعدي كدب دايم ؟
ليه بفجرك فجر خاين ؟
ليه في حضنك جرح نافذ؟
كل شيء اصبح وعود
وعد كاذب واللي ساكن
ليل طويل والكبوس
اصبح مصير مش مجرد
حلم عابر واللي باقي
من وعودك
حرف باهت في الكتاب
ظهري محني وشعري شاب
حلم مسجون جوة باب
وف حدودك
الف معنى للعذاب
ليه في قربك تجرحيني
ليه في بعدك دمع عيني بيسألك ؟
كل كدبة بتكدبيها
لحد امتى هصدقك
صبري طال
حلمى كان حبة فتات
من حاجات مش كتير
بس ماااااااات
جواكي حبك
صخر قلبك والضمير
مستحيل افضّل في حلمي
واجنى شوكك ليل طويل
والكبوس اصبح مصير
مش مجرد حلم عابر
بتاريخ 28/9/2020
التعليقات مغلقة.