حلم مشوَّه و مولود عملاق…
أسـمـاء الـبـيـطـار
كلنا بنحلم و دايماً بنحلم بحاجات يمكن تفوق جميع قدراتنا في الوقت الحالي .
و أكبر مشكلة ممكن تقابل حلمك إنك تبقى مستعجل على تحقيقه
زي واحد عاوز يتجوز أو واحدة مش هتفرق تلاقيه بيتسلف من طوب الأرض علشان يلم نفسه !
صحيح بيحقق ” رغبته ” لكن بيفضل مديون في فترة المفروض تبقى من أفضل و أجمل فترات حياته ؟؟!!
حد تاني عاوز يشتغل لكن للأسف عينيه بتبقى على منصب أعلى منه في الوقت الحالي !
بتلاقيه بقى إنسان تاني بأساليب ملتويه و يمكن يدوس على جميع زملائه علشان يوصل !!
و للأسف بيوصل و بسرعة وصوله هتلاقي هبوطه و يمكن يخسر الوظيفة بعد ما خسر إحترامه لنفسه .
و فاكرين زمان لما كنا بناخد سلم البيت و إحنا طالعين كل سلمتين تلاته في سلمة
عقبال ما كنا بنوصل للأخر بننهج و مش قادرين ناخد نَفسنا !
و الست اللي ربنا كتب لها تأخير الحمل فبتستعجل و تروح تعمل تلقيح صناعي .
و يا إما تجيب جنين مشوه أو يكون معاه توأم و تفقد واحد منهم .
أو بتفقد الأتنين و الوجع بيبقى أكبر .
و لما كنا صُغيرين و بنعيش عُمر أكبر من عُمرنا ، أو إننا بنستعجل الأيام علشان نكبر ، و نتخرج ، و نشتغل و و و .
و ف الأخر بنلاقي أجمل سنين عُمرنا ضاعت و للأسف ما بتتعوضش.
و لو استرسلنا في الأمثلة هنلاقي أحلام لا حصر لها ..
أحلامنا علشان تتولد سليمة و تشوف النور و تفضل في النور
لازم نكون مؤمنين بيها ، و مؤمنين بنفسها ، وواثقين في قُدراتنا
لكن ساعات القُدرة بتبقى عاوزة ثِقل سواء بالصبر ، أو بمرور العُمر .
كتير من اللي إستعجلوا حلمهم و حققوه .
صدقني كان جواهم حاجة مش مخلياهم مبسوطين ، فرحتهم ناقصة
مش هو دا اللي كنا عاوزينه .
لكن ..
أنت حتى لو شايف حلمك بين صخرتين و عندك أمل إنه هيتولد و يطلع للنور مهما كان الوقت و العُمر اللي عدى .
و ما دام اليقين جواك محفور صدقني حلمك هيتولد ” عملاق “
خلي اليقين جواك بحلمك طاقة نور حتى لو كان على ضي شمعة .
حلم مشوَّه و مولود عملاق ـ
قلم. أسـمـاء الـبـيـطـار
كلنا بنحلم و دايماً بنحلم بحاجات يمكن تفوق جميع قدراتنا في الوقت الحالي .
و أكبر مشكلة ممكن تقابل حلمك إنك تبقى مستعجل على تحقيقه
زي واحد عاوز يتجوز أو واحدة مش هتفرق تلاقيه بيتسلف من طوب الأرض علشان يلم نفسه !
صحيح بيحقق ” رغبته ” لكن بيفضل مديون في فترة المفروض تبقى من أفضل و أجمل فترات حياته ؟؟!!
حد تاني عاوز يشتغل لكن للأسف عينيه بتبقى على منصب أعلى منه في الوقت الحالي !
بتلاقيه بقى إنسان تاني بأساليب ملتويه و يمكن يدوس على جميع زملائه علشان يوصل !!
و للأسف بيوصل و بسرعة وصوله هتلاقي هبوطه و يمكن يخسر الوظيفة بعد ما خسر إحترامه لنفسه .
و فاكرين زمان لما كنا بناخد سلم البيت و إحنا طالعين كل سلمتين تلاته في سلمة
عقبال ما كنا بنوصل للأخر بننهج و مش قادرين ناخد نَفسنا !
و الست اللي ربنا كتب لها تأخير الحمل فبتستعجل و تروح تعمل تلقيح صناعي .
و يا إما تجيب جنين مشوه أو يكون معاه توأم و تفقد واحد منهم .
أو بتفقد الأتنين و الوجع بيبقى أكبر .
و لما كنا صُغيرين و بنعيش عُمر أكبر من عُمرنا ، أو إننا بنستعجل الأيام علشان نكبر ، و نتخرج ، و نشتغل و و و .
و ف الأخر بنلاقي أجمل سنين عُمرنا ضاعت و للأسف ما بتتعوضش.
و لو استرسلنا في الأمثلة هنلاقي أحلام لا حصر لها ..
أحلامنا علشان تتولد سليمة و تشوف النور و تفضل في النور
لازم نكون مؤمنين بيها ، و مؤمنين بنفسها ، وواثقين في قُدراتنا
لكن ساعات القُدرة بتبقى عاوزة ثِقل سواء بالصبر ، أو بمرور العُمر .
كتير من اللي إستعجلوا حلمهم و حققوه .
صدقني كان جواهم حاجة مش مخلياهم مبسوطين ، فرحتهم ناقصة
مش هو دا اللي كنا عاوزينه .
لكن ..
أنت حتى لو شايف حلمك بين صخرتين و عندك أمل إنه هيتولد و يطلع للنور مهما كان الوقت و العُمر اللي عدى .
و ما دام اليقين جواك محفور صدقني حلمك هيتولد ” عملاق “
خلي اليقين جواك بحلمك طاقة نور حتى لو كان على ضي شمعة .
التعليقات مغلقة.