حلو الذكريات …أغنية بالعامية المصرية بقلم د صلاح علامة
اول ما قرب تبعدي
اشتاق إليكي وتعندي
مش عاوز منك طلتك
مش عاوز منك ضحكتك
وارتاح انا من شكوتك
واريح قلبي من العتاب
فضحتي ليه قلبي الحبيب
دانا كل ما اشتاق لك اطيب
عوزاني افضلك حبيب
يبقى لزومك تعرفي
إن الحنان هو الحنان
هو اللي كان بشدني
وإن الجفا هو الجفا
هو اللي كان بهدني
عاوزني احبك احلفي
إن اللي كان عدى وفات
نفضل بحلو الذكريات
وتعالي نتسابق سووا
ويعيد ليالينا الهوى
دانا شوقي ليكي تعرفي
شوق الصحاري للمطر
شوق البلابل للشجر
حتى اسألي ضي القمر
كم مرة صالحنا سووا
حتى اسألي ظل الشجر
كم حس بينا واكتوى
حتى اسألي كاس العمر
كم سوى فينا وارتوى
اه يا ليالي العمر فات
نفضل بحلو الذكريات
وتعالي نتسابق سووا
التعليقات مغلقة.