حلو يا رمضان
كلمات : محمد كسبه
الله الله حلو يا رمضان
الله الله سبحة و قرآن
و يوماتي بالليل نسحر
و نصوم و نتجمع نفطر
و المغرب نسمع أحلي آدان
الله الله حلو يا رمضان
ع السفرة كلنا نستنا
ندعي و بالخير نتمني
أصل الصايم له الجنة
و ده أجره من عند الرحمن
الله الله حلو يا رمضان
زينة ز فوانيس ماليه الشارع
و النور بينور في الجامع
و كله في الفجر أهو طالع
زي الملايكة في كل مكان
الله الله حلو يا رمضان
أيامه حلوة و بتعدي بسرعة
ما بين صلاة و سجدة و ركعة
و عيون بتفر الدمعة
و هي بتودع رمضان
الله الله حلو يا رمضان
خدوا سيلفي مع كل العيلة
و إضحكوا ده الضحكة جميلة
و اتجمعوا ليلة ورا ليلة.
ده العيد واحشنا بقاله زمان
الله الله حلو يا رمضان
التعليقات مغلقة.