حمارحزين…

بقلم السيد أبو قوره

حمارحزين

ليه يادنيا كده
شيلتي الحمير الهم
كل الحمير في سعاده
وحميرنا عايشه في غم
مع انه عايش وحيد
مالوش خال ولا عم
ولا مصاحب صاحب
ومن وراه راح ذم
ولا حد طالبه في ميراث
ولا حد طالبه بدم

ما تقول لنا ياحمار
حملك تقيل كده ليه
ولا عليك أقساط
ولا طفل راح تراعيه
ولا بنت عاوزه جوازة
ولا واد حتبني له
والإيد فاضيه وعويلة
ومنين حتديلة

قولنا يا حمار
الكارت خلص شحن
ولا البوتجاز وخلص غاز
قلنا ياحمار حيرتنا الغاز
قولي زعلان عشان مين
لاجل دنيا بتجري بينا
واحنا فيها خسرنين
دنيا فلتت من أدينا
دنيا ناقص فيها دين
اصبح الموت فيها سلعه
وأحنا فيها مقتلوين
وأبن أمي مش أخويا
وأبن عمي يبقي مين
دنيا بنعيشها سماسره
بعناها حياء ودين
التاجر فيها حرامي
والفقير واكلها طين
أستاذها أصبح مقامر
وشيخها بيقول آمين
نقول سلام ي دنيا
فانيه دا الحمار
منك حزين

السيدابوقوره