حمامك داسو مين…سامح لطف الله
قتلوكي ليه ياوردة
قتلوكي بنفس باردة
قواتهم قال محايدة
ببرود غسلوا الإيدين
وسواد في القلب لازق
يا ظلم وكفه خانق
ورصاصكم والمشانق
هيزيدوا البلة طين
ونسيتوا دنشواي؟
زهران وأنينه ناي
والنار تملا سماي
وحمامك داسوا مين؟
ينداس فقير في أرضك
عشان بيحمي عرضك
فلاح وصلى فرضك
شننقوه المجرمين
تاريخ بيعيد في نفسه
يا ريت فهمتوا درسه
مين كل يا ناس بضرسه
يفضل قوي وأمين
عدو منا فينا
والقاتل قال أخونا
نازلين يدوخونا
يا ناس في شرع مين؟
التعليقات مغلقة.