حنين للماضي…بقلم طلعت مجاهد
قالت سلامتك
ياروح قلبي
من الأنَّه وم الآهات
قُلت سلام على عُيونك
ياقمري ياست البنات
قالت جِوايا طُول عُمرك
مَنِيش نسْياك
وقلت بتجري في عروقي
ياسُكر نبات
قالت قلبي بيحكيلي
عليك حكايات
وقلت ساكنه جوايا
من سنوات
قالت كلامك الحلو
نسَّاني هُموم وآهات
رجَّعني لأحلى سنين
عمري اللِّي فات
كلامك عدَّي على قلبي
حَيَا حَنِين وشُوق
انا قُلت ماتْ
آه ياحكاية حب موصوله
بلا نهايات
يافجر جديد طلع تاني
طالِب قُبْله طالب سلامات
ومَاله خُدْ معاك روحي
وقولَّها حبك حى جوايا
وعُمرُه ممات
قالتْ أُجْبُر بقه بخاطري
انا قلت مين يُجْبر
بِخاطِر مين
انا عِشتْ للهوى عُمري
جِوايا شُوق وبحر حَنِين
وِنِفْسي ف قاعده ياعمري
وفنجان من ايدين حلويين
وتسقيني وأنا اسقيكي
ويرقص جنبنا الياسمين
وأكون ممنون انا ياحبي
ومديونلك بأحلى سنين
شعر الاستاذ /طلعت مجاهد
ج مصر العربية أجا دقهليه
التعليقات مغلقة.