حوار داخلى بقلم جيجي حافظ

فى ناس فى حياتنا مبنقدرش نخليهم درجة تانية …..دايما هما فى المقدمة …هما اول اهتمامتنا …..هما الاساس …بيهم تحلو الدنيا بيهم نعدى الصعب ….كل ده بيخلينا نستبعد عنهم اى لحظة غضب ..او نظرة قاسية ..او كلمة جارحة تخرج من تصرفاتهم …..
وهما برضو فى الاساس بشر….. بيجرح وبيتصرف غلط
وبعدها
يحدث الصراع بين القلب والعقل:
__القلب:كده هونت عليه ….العقل :لا مينفعش كان يقول كلام زى ده

القلب :كده يجرحنى. …..العقل :كان المفروض يكون فى احترام اكتر من كده القلب:انا زعلانة منه ……العقل :لابد من وقفة لتصحيح الغلط

__وبعد حيرة وتردد…… يكسب القلب من درجة الحب و القرب
ويرجع الود علشان العشرة الحلوة لان فى حاجات ماينفعش تكمل الا بيهم لانهم ببساطة ملكوا القلب والروح …..
بس مش كل حاجة بترجع فى مكانها الطبيعى …..دايما الواحد هيفضل متوقع الجرح حتى لو محصلش …وعمره ما هيعرف يرجع زى زمان…
صدقونى فى حاجات مابيحكمهاش العقل ……ولا يقدر يفسرها القلب..

ياريت نركز فى تصرفاتنا مع اقرب الناس لينا لأن فى كلمات اصعب من الطلقات لانها بتجرح مش بتموت واحنا كبشر صعب ننسى الوجع بس بنحاول نسكنه بالذكريات الحلوة
_اوع تندم اى حد انه قلبه اختار قربك…

_اعزائى :من وضعك فى مقدمة حياته وجعلك سيد البشر بالنسبة له …ضعه هو ايضا فى مكان يليق به. ….واحرص على هذا المكان تحت اى ضغط