حوار مع جاهين الحكيم… أحمد فؤاد الهادي
قال جاهين الحكيم:
اقلع غماك ياتور وارفض تلف
واكسر تروس الساقية واشتم وتف
وكان ردى:
ياعَم صلاح مين قال لك انى مِتغَمى
ده عِمِى قلبى لمَّا زاد غمْى
كان نفسى اشوف
لاكُنت عايزك تقول
ولا حتى كنت مستنى
ولاعايز الِف .. بس مين يأكلنى
لولا لفاتى .. جوعى هايقتلنى
واشتم فى مين ..ما أنت كمان شايف
مش حكاية جبان .. ولّلا أنا خايف
دا ياما كان نفسى أتِف
بس الريق صَبَحْ ناشف
وان كان ع التروس
سيبها تدوس
وهافْضَل أنا واقف
دا ياما كانت تروس
لَفِت وداست ف روس
ودَنِتْى انا واقف
السر أيه ياترى ؟
والله مانا عارف!!
ــــــــــــ
احمد فؤاد /من كام سنة
التعليقات مغلقة.