حياتنا معكوسة . شعر.الفنان رزق جادو
حياتنا معكوسه
و ماشية بالكوسه
بنلمع الصرصور
ونمدح الميسور
ونعزم المشهور
ونذكي في الأمور
اما اللي مش مشهور
ومجاش عليه النور
دايما يعيش مقهور
ماشي جناحه مكسور
بيحلم يجيله الدور
ويعيش كريم مستور
الوضع هنا مقلوب
وماشي بالشقلوب
لو حتى كان موهوب
هيبقى كله عيوب
مالوش في لمتنا
ما هوش في شلتنا
ثقافة محبوسة
عقولنا فيها سوسة
تنخر وبتدمر
تكبر وتتخمر
تكره وتتنمر
وتعيش مع الأجيال
شللية في كل مجال
ثقافة مدسوسة
لعقولنا مبثوثة
ماشية كما السوسة
حياتنا معكوسة .
كلمات الشاعر الفنان رزق جادو
مصر .. دمياط
التعليقات مغلقة.