حيطان حايضه كلمات اشرف الشناوى شاعر عاميه البرامون المنصوره
انا مش ولى
ولا عمرى كان لى
مقام
انا عادى جدا
حتى فى الاحلام
ولا عمرى مره حلمت
غير بس بالاوهام
ولا مره كنت اتمنى
اطير فى وسط حمام
انا كل حلمى بجد
يسيبنى جرحى انام
واحس حبة امل
واعيش حياتى سلام
الصبح اصحى واقول
ارزقنا يافتاح
ويعدى يومنا بوجع
واحد مالوش اخوات
ونحس مره الشبع
لو حتى فى السكرات
ياليل فتح بقه
يشبه لديب سعران
ينهش قلوب م الوجع
بايته على الجدران
ووشوش فى وسط الملح
بايشه من الحرمان
وليه ياقطر الهنا
تايه عن القضبان
ياحلم ناشع
زى الحيطان حايضه
حتى الفراخ
فى العشش حلفت
ما هى بايضه
يافجر مالك كدا
بتعدى كالرهوان
سايب قلوب من زمن
محبوسه فى الاحزان
تحلم تروح للعدم
يمكن تلاقى مكان
ياصبح طالل
م الجراح مكفى
مين فينا قول والنبى
عايش كما المنفى
من امتى بس الوجع
كان لينا بيدفى
أنا قلبى لف الغيطان
على ضحكه بينفى
مرجعش غير بالبكا
وبفرحه ماتكفى
ولا عمرى هانفع ولى
والدنيا بتصفى
ولا عمرى هبقى الولى
ولا ليا فيكوا مقام
دا الكل قال محكمه
واتنفذ الإعدام ………….
التعليقات مغلقة.