حيطان متهدمه بقلم فتحي نجم
ـــــــــــــــــــــــــ
عِترت عَليك
في حلم
طِلع الحلم مش كامل
وكان كداب
فهمت عليك
في علم
وكنت دايماً احايل
مع إني كنت ف عذاب
طموحي لك غَلبني
والحلم سقط مني
السهم علم وصابني
والهجر نال مني
لحظة سكاتي وضعفي
ومواربتي للباب
سقتني مُر ف كاساتك
والوعد كان كداب
لساك بتألمني
والطبع كان أناني
وِعُودك مالت وطالت
وفيك الظن خاب
حاولت اكون مذهبك
رفضت طاعتي وحضني
سعيت أكون مكسبك
سقتيني المُر بدري
كرهت معاك سنيني
موت فيك حنيني
صدقني راح انساك
ولا هلتفت لهواك
مُرك قوي في حنكي
وصبري قرب يروح
وطيبتي صابت حلقي
واستكفت خلاية الروح
دا انا يوم مااكون نقصاك
هرجع كامله من تاني
لو عمري كله معاك
راح أبيعه في ثواني
ولا عمري هترجاك
أصل الزمن فاني
معتش مني غير
حيطان متهدمه
مبقاش للورد ريحه
غير شوكه متألمه
بستسلم للطموح
فكرهت معاك سنيني
دائك منين مابروح
بيموت فيك حنيني
شمسي بطلت تطلع
وأرضي ماعدتش لفه
قطعت خيوط الأمل
خلاص مابقتش هشه
قشرت وصالك دابت
القشة كسرت كل العتاب
بقلم/ فتحــى نجـــم
يوليو 2021
التعليقات مغلقة.