حِبَال الأمل – حسن أبو عرب مصر – المنصورة
دُوس على زرَار الأمان
يا اللي الزمان خانك
مهو كل شئ فى الكون
ملهُوش أمان بيخُون
والعمر حتى بهُون
طب ليه تعيش مفتون
غرقان في أحلامَك
ضاحكَه عليك دُنيتَك
ومتوهٕاك سِكِتَك
ومعيِّشَاك جنِّتَك
مخدوع بأوهامَك
مابين آلام وجروح
ومابين طلوع الروح
النفس ليه بتنوح
على قلب مات مجروح
متقُولِّي يامسكين
مين سَكِتُه لسانَك ؟!
افتل حِبَال الأمل
واقتل ساعات الملل
م الحِكمَه تَرك الجَدَل
فاصبر وكُن كالجمَل
فى العفو كن كالحَمَل
تحلَو أيامَك
خليك ياولدي جَسُور
واياك تعيش مقهور
محبُوس تخاف م النور
واحذر تصير مغرور
دا الكِبر داء مسعُور
هَيزِل اقدَامَك!!
التعليقات مغلقة.