خالتي نبيهة … شعر هالة علي ابو الذهب
عارفين حكمت ؟
قطعوا راسها
وعملوا عليها انجر فتة
عزموا عليها كبار الجيهة
يومها دا زعل خالتي نبيهة.
أصلها سمِّت قبل ما تدبح
كان نفسها بس تدوق حتة
أو حتى لو بوقين شوربة
لكن ماخدتش غير العضم.
وعشان يخلصوا من موضوعها
قالوا طب نعمل ايه يلهيها؟!
راحوا وجابوا معاهم قرد
قال يشاغلها ويسليها
وان حكمت، ممكن تشحت بُه
وتلملها كمان قرشين
رح ينفعوا كدا وقت الزنقة
ممكن ياخدوهم بعدين.
واما يلاقوا كمان راس ثانية
يبقوا يدوها الودنين.
التعليقات مغلقة.