خد وهات ...
أشرف الشناوي …..خد وهات…..
اوعى تحزن
عاللى فات
عيش حياتك
خد وهات
فرح حبه
حزن حبه
حبه راحت
حبه جات
اوعى تحزن
عاللى فات
كمل المشوار
وعيش
مهما كان الحمل
فوقك
مطاطيش
بكره تضحك
بكره تفرح
بكره تلقى الفجر
طارح
و الامانى ماتنتهيش
طول ماقلبك
لسه داير
عالشراقى
يبقى عيش
اوعى تحزن
عاللى فاتك
مطاطيش
هد سور الحزن
واهرب
سيب جناحك
للبراح
اوعى تحزن
عاللى راح
بكره تلقى الضحكه
جايه
فى ايد صباح
تلقى حلمك
جوا منك اقوى
من كل الجراح
عيش حياتك
زى مانت
حتى لو مكسور
جناح
اوعى تحزن
عاللى ضاع
او تسيب روحك
تكمل فى الخداع
او تسيب الحزن
ياخدك مركبه
من غير شراع
لو صحيح عاوز
تكمل
يبقى حاجتك
هى ام الاختراع
اوعى تحزن
عاللى فات
طول ماروحك
جوا منك
يبقى حلمك
لسه فاضل فيك
مامات
بس كمل
لما تتعب
واوعى ترجع
للسكات …………….
اشرف الشناوى
شاعر عاميه
البرامون
المنصوره
التعليقات مغلقة.